Meeqqanut inuusuttunullu suliniummut Ataqatigiissaarisoq Ilulissanut

Avannaata Kommuniani meeqqat atungaasa pitsanngorsarneqarnissaat anguniakkani pingaarnerpaavoq. Taamaammat maanna immikkoortortaqarfimmi nutaatut pilersinneqarsimasumi “Meeqqanut inuusuttunullu immikkut ittumik suliniut”-mmi Ataqatigiissaarisutut atorfik inuttassarsiorneqarpoq 1. marts 2018 isumaqatigiissuteqarnikkulluunnit atorfinittussamik.
Qinnuteqarfissaq:
19. februar 2018
Sumi:
Ilulissat
Akissarsiat:
Isumaqatigiissut malillugu

Avannaata kommuniani meeqqanut inuusuttunullu ataqatigiissaarisussarsiorneq 

Immikkoortortaqarfik Meeqqanut inuusuttunullu immikkut ittumik suliniut aammalu Ataqatigiissaarisutut atorfik tamarmik nutaajupput, taamaattumik ineriartortinneqassapput, pingaartumik, Avannaata Kommuniata qullersaqarfiani sulisut allat peqatigalugit.

Ataqatigiissaarisup pingaarnertut suliassarissavai  

  • Avannaata Kommuniani meeqqat inuusuttullu atungaasa qulaajarneqarneranni paasissutissanik katersineq.

  • Suliniutinik immikkoortiterineq pingaarnersiuinerlu.

  • Avannaata kommuniani politikkikkut suliarineqarlutik saqqummiuneqartussanik suliniutinik susassaqartut allat tamaasa suleqatigalugit piareersarneq.

  • Susassaqarfiit tamaasa suleqatigalugit meeqqat inuusuttullu atungaannik pitsanngorsaataasussanik suliniutinik ineriartortitsineq.

  • Nuna tamakkerlugu kommuninilu meeqqat inuusuttullu atungaasa pitsanngorsarnissaannut politikkikkut anguniarneqartunut Avannaata  Kommuniani ineriartortitsineq.

  • Avannaata Kommuniani meeqqanut inuusuttunullu suliniutigineqartussanik pilersaarusiorneq, atuutilersitsineq qulakkeerinninniarnerlu.

  • Politikkikkut siunniunneqartut ineriartortillugit suliarineri.

  • Anguniakkanik periusissanillu suliaqarneq.

  • Avannaata Kommuniani meeqqanut inuusuttunullu suliniarnissami iliuusissanik pilersaarusiorneq.


Inuttut ima piginnaaneqarnissat kissaatigaarput  

  • Nammineersinnaassuseqarluartoq.

  • Siunniunneqarsimasunik piviusunngortitsiniaasinnaassuseqarluartoq.

  • Ineriartortitserusuttoq ataqatigiissaarinermillu misilittagalik.

  • Inuk tamatigoortumik suleqatigiuminartoq.

  • Attaveqarfigiuminartoq, suliffiup iluani avammullu kiinnertarnermi.

  • Unammilligassanik suliaqarumasartoq.


Sulinerup tungaangigut makkuninnga piginnaasaqarnissat kissaatigaarput  

  • Suliassaqarfiup iluani ilinniagaqarsimasoq.

  • Nunatsinni pingaartumik avannaani inooriaatsimik, oqaatsinik piorsarsimassutsimillu misilittagaqarlunilu ilisimasalik.

  • Oqaatsit maluiit allattariarsornerlu atorlugit isumaqatiginninniarsinnaassuseqartoq.

  • Politikkikkut aqunneqartumi sulinermik misilittagaqarneq

  • Sammisanut tunngasunik naammaginartumik nunatsinni inatsisinik atuuttunik ilisimasaqarnissaq.

     

    Qaninnertut qullersarineqassaaq kommunimi Ataatsimoorussanut Sullissivimmi pisortaq.

    Pingaartuuvoq suleqateqarluarsinnaanissaq, ulapaarfiusumi sulisinnaanissaq kiisalu marlunnik oqaaseqarfiusumi suliffeqarnissaq piareersimaffigisassaalluni, ilinniagaqarsimaneq inuttullu piginnaasat ataatsimut isiginiarneqartarput.

    Meeqqanut inuusuttuaqqanullu pinerluuteqarsimannginnermik uppernarsaammik takussutissiisoqarnissaanik piumasaqaateqarpugut.


Akissaatit atorfeqarnermilu atugassarititaasut 

Isumaqatigiissut atuuttoq naapertorlugu atorfinititsisoqassaaq aamma akissarsiaqartitsisoqassaaq, aammmalu matumani atorfininnermi soraarnermilu angalaneq, pisattat assartorneqarnerat, pissapput atorfininnermi Naalakkersuisut Kattuffiullu isumaqatiginninniarsinnaatitaasup akornanni isumaqatigiissutit atuuttut aallaavigalugit.

Atorfimmut atatillugu inissaqartitsisoqarsinnaavoq, malittarisassat qaqugukkulluunniit atuuttut naapertorlugit qularnaveeqqummut illumullu akiliummik akilerneqartartussamik.

Atorfimmut paasissutissat sukumiinerusut pineqarsinnaapput Ataatsimoorussanut Sullissivimmi pisortaagallartoq Bea Mølgaard Lennert oq.: 94 78 17 / 55 06 69 e-mail: bmle@avannaata.gl attaveqarfigalugu.


Qinnuteqarfissaq kingulleq 

Qinnuteqaat ilinniarsimanermut pappilissat, CV, oqaaseqaatit, paasiniaavigineqarsinnaasut il.il. ilanngullugit Sulisoqarnermut Immikkoortortaqarfimmut apuutereersimassapput kingusinnerpaamik 19. februar 2018

Qinnuteqaat uunga nassiunneqassaaq 

Avannaata Kommunia

Sulisoqarnermut immikkoortortaqarfik

Postboks 1023

3952 Ilulissat

hr@avannaata.gl