Siusinaartumik sulisinnaajunnaarnersiutisialinnut sullissisoq

Qaanaami Majoriaq 1. marts 2018 imaluunniit isumaqatigiissuteqarnikkut sulilertussamik siusinaartumik sulisinnaajunnaarsiutiisialinnut aammalu suliffissarsiortunut pisortanik ikiorserneqartartunut sullissisussamik pissarsiorpoq. Atorfik killilimmik atorfiuvoq, 31. december 2020 tungaanut atorfik piulluni.
Qinnuteqarfissaq:
22. februar 2018
Sumi:
Qaanaaq
Akissarsiat:
Efter overenskomst

Suliassat akisussaaffiillu 

  • Illoqarfimmi aammalu nunaqarfinni siusinaartumik pension-isialinnut immikkut ittumik iliuuseqarnermut suleqataaneq.

  • Siusinaartumik pension-isiallit sulisinnaassusaat aallaavigalugit qulaajaaneq.

  • Siusinaartumik pensionisiallit sulinermikkut periarfissaannik annertusaaniarluni nutaanik suliniuteqarlunilu ingerlatsineq.

  • Suliffeqarfinnut suleqatigisartakkanullu allanut attaveqarneq.

  • Siusinaartumik pensionisiassanik naatsorsuineq tunniussinerlu.

  • Ataavartumik susassaqarfik pillugu paasissutissiineq.

  • Sulinerullu ingerlanneqaranut nutaaliornernik aaqqiissutaasinnaasunillu siunnersuineq.

  • Qaanaami nunaqarfittaanilu suliffissaaleqisut pisortanit ikiorserneqartartut pillugit sullissisuuneq, qulaajaaneq, suliffeqarnermullu ikaarsaartinneqarneri ilaatigut akisussaaffigissavatit.

  • Majoriami atorfeqartut allat peqatigalugit, suliffeqarfinnut innuttaasunut suliffittaarnissamik pisariaqartitsisunik suleqataaneq, pilersaarusioqataanerlu.

 

Suliamut ilinniagaqarsimanissaq kissaatigineqarpoq, sulilernermi ingerlaannartumik illoqarfimmi, illoqarfiullu nunaqarfiini pingasuusuni innuttaasut siusinaartumik pension-eqarut ingerlariaqqitsinniarneqarnerannut peqataalersinnaallutit aammalu allaffimmi suliassanik tiguseriaannaassallutit.

Pisinnaasat 

  • Suliassamut naapertuuttumik ilinniagaqarsimasoq.
  • Siusinaartumik pension-eqartunik sullisserusuttoq.
  • Sulilluartoq, imigassamik aanngajaarniutinillu ajornartorsiuteqanngitsoq.
  • Marluinnik oqaaseqartoq, kalaallisut qallunaatullu, kisiannili piumasaqaataanngilaq.

 

Naatsorsuutigissavat suliamut tunngatillugu pikkorissarnissamut periarfissaqaravit.

Akissarsiaqartitsineq atorfinitsitsinerlu 

  • Atorfinitsinneqartoq Naalakkersuisut SIK-llu Allaffissorneq Niuernerlu pillugit isumaqatigiissutaat malillugit atorfinitsinneqarsinnaavoq, imaluunniit ilinniagaq malillugu atorfinitsinneqarsinnaalluni.

  • Atorfimmut atatillugu inissaqartitsisoqarpoq.

Qinnuteqarfissaq kingulleq 

Qinnuteqaat ilinniarsimanermut allagartat, siornatigut atorfigisimasamut uppernarsaatit, kiisalu soraarummeersimanermut uppernarsaatit assilineqarneri ilanngullugit tunniunneqarsimassaaq sulisoqarnermut immikkoortortaqarfimmut kingusinnerpaamik 22. februar 2018.

Qinnuteqaat uunga nassiunneqassaaq 

Avannaata Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@avannaata.gl