Sullissinermut aqutsisoq

Avannaata Kommuniani innuttaasunut kiffartuussineq malunnaateqarluartumik pitsanngorsaavigineqassasoq anguniarneqarpoq. Taamaammat maanna Sullissinermut aqutsisutut atorfik inuttassarsiorneqarpoq 1. marts 2018 isumaqatigiissuteqarnikkulluunnit atorfinittussamik.

Qinnuteqarfissaq:
19. februar 2018
Sumi:
Ilulissat
Akissarsiat:
Isumaqatigissut ASG - AK isumaqatigiissutaa malillugu

Avannaata kommuniani Sullissinermi aqutsisussarsiorneq 

Sullissinermut pisortatut atorfik nutaajuvoq, taamaattumillu ineriartortinneqassalluni sulisut allat peqatigalugit.

Qaninnertut qullersarineqassaaq kommunimi Ataatsimoorussanut Sullissivimmi pisortaq.

Pingaartuuvoq suleqateqarluarsinnaanissaq, ulapaarfiusumi sulisinnaanissaq kiisalu marlunnik oqaaseqarfiusumi suliffeqarnissaq piareersimaffigisassaalluni, ilinniagaqarsimaneq inuttullu piginnaasat ataatsimut isiginiarneqartarput.


Aqutsisup pingaarnertut suliassarissavai  

  • Anguniakkanik periusissanillu suliaqarneq

  • Oqartussaaffiit iluanni suliassanik agguaaneq sulianillu ataqatigiissaarineq

  • Qaammammut/ukiumullu naatsorsuuserineq aningaasaqarnermillu nakkutilliineq

  • Innuttaasunik sullissinermi periusissat pillugit siunnersuineq

  • Innuttaasunik sullissinermi suleriutsinik ineriartortitsineq, atuutilersitsineq uterfiginnittarnerlu


Inuttut ima piginnaaneqarnissat kissaatigaarput  

  • Nammineersinnaassuseqarluartoq

  • Siunniunneqarsimasunik piviusunngortitsiniaasinnaassuseqarluartoq

  • Ineriartortitserusuttoq aqutsinermillu misilittagalik

  • Inuk tamatigoortumik suleqatigiuminartoq

  • Attaveqarfigiuminartoq, suliffiup iluani avammullu kiinnertarnermi

  • Unammilligassanik suliaqarumasartoq


Sulinerup tungaangigut ima piginnaasaqarnissat kissaatigaarput 

  • Pisortat suliffeqarfiutaasa iluanni sullissinermik misilittagalik

  • Nunatsinni pissutsinik ilisimaarinnittoq

  • Politikkikkut aqunneqartumi pisortani aqutsisutut sulinermik misilittagaqarneq

  • Aqutsisutut ilinniagaqarneq

  • Sammisanut tunngasunik naammaginartumik nunatsinni inatsisinik atuuttunik ilisimasaqarnissaq

  • Aqutsisutut inissisimanermi aningaasaqarnermik aqutsinermik misilittagaqarneq

  • Nunatsinni pingaartumik avannaani inooriaatsimik, oqaatsinik piorsarsimassutsimillu misilittagaqarlunilu ilisimasalik


Akissaatit atorfeqarnermilu atugassarititaasut 

Isumaqatigiissut atuuttoq naapertorlugu fagchefitut atorfinititsisoqassaaq aamma akissarsiaqartitsisoqassaaq, aammmalu matumani atorfininnermi soraarnermilu angalaneq, pisattat assartorneqarnerat, pissapput atorfininnermi Naalakkersuisut Kattuffiullu isumaqatiginninniarsinnaatitaasup akornanni isumaqatigiissutit atuuttut aallaavigalugit.

Atorfimmut atatillugu inissaqartitsisoqarsinnaavoq, malittarisassat qaqugukkulluunniit atuuttut naapertorlugit qularnaveeqqummut illumullu akiliummik akilerneqartartussamik.

Atorfimmut paasissutissat sukumiinerusut pineqarsinnaapput Ataatsimoorussanut Sullissivimmi pisortaagallartoq Bea Mølgaard Lennert oq.: 94 78 17 / 55 06 69 e-mail: bmle@avannaata.gl attaveqarfigalugu.


Qinnuteqarfissaq kingulleq 

Qinnuteqaat ilinniarsimanermut pappilissat, CV, oqaaseqaatit, paasiniaavigineqarsinnaasut il.il. ilanngullugit Sulisoqarnermut Immikkoortortaqarfimmut apuutereersimassapput kingusinnerpaamik 19. februar 2018

Qinnuteqaat uunga nassiunneqassaaq 

Avannaata Kommunia

Sulisoqarnermut immikkoortortaqarfik

Postboks 1023

3952 Ilulissat

mail: hr@avannaata.gl