Aningaasaqarnermut aqutsisoq

Avannaata Kommunia aningaasaqarnikkut ingerlalluartoq anguniarneqarpoq. Taamaammat maanna Aningaasaqarnermut aqutsisutut atorfik inuttassarsiorneqarpoq 1. Juni 2018 isumaqatigiissuteqarnikkulluunnit atorfinittussamik.
Qinnuteqarfissaq:
13. maj 2018
Sumi:
Ilulissat
Akissarsiat:
Isumaqatigiissutit malillugit

Aningaasaqarnermut aqutsisup akisussaaffigisassai 

  • Missingersuusiorneq

  • Missingersuutinut malinnaaneq

  • Susassaqarfiit akimorlugit qulaajaanerit

  • Kisitsisinik tunngaviusussanik suliaqarneq

  • Suliffeqarfinnut allanut sanilliullugu unammillersinnaassutsimik qulaajaaneq

  • Tusarniaanerit – assersuutigalugu aningaasaqarnermut tunngasut

  • Naatsorsuuserisut nalunaarusiaat tikeraareernermilu allakkiaat

  • Politikkikkut saqqummiunneqartussanik piareersaalluni suliaqarneq

  • Qulaani taaneqartunut suliassanut siunnersuineq

  • Suliniutinut assigiinngitsunut aningaasaliisussarsiorneq

Ujartugarput inuk ajornanngippat makkuninnga inuttut piginnaaneqarnissaa kissaatigaarput  

  • Nammineersinnaassuseqarluartoq.

  • Siunniunneqarsimasunik piviusunngortitsiniaasinnaassuseqarluartoq.

  • Ineriartortitserusuttoq aqutsinermillu misilittagalik.

  • Inuk tamatigoortumik suleqatigiuminartoq.

    Attaveqarfigiuminartoq, suliffiup iluani avammullu kiinnertarnermi.

  • Unammilligassanik suliaqarumasartoq.

Inuk ujartugarput, makkuninnga sulinerup tungaangigut piginnaasaqassasoq kissaatigaarput  

  • Ilisimatusarfimmi assigusumilluunniit ilinniagaqarsimasoq
  • Pisortat suliffeqarfiutaasa iluanni sullissinermik misilittagalik
  • Politikkikkut aqunneqartumi pisortani aqutsisutut sulinermik misilittagaqarneq
  • Aqutsisutut ilinniagaqarneq
  • Sammisanut tunngasunik naammaginartumik nunatsinni inatsisinik atuuttunik ilisimasaqarnissaq
  • Aqutsisutut inissisimanermi aningaasaqarnermik aqutsinermik misilittagaqarneq
  • Nunatsinni pingaartumik avannaani inooriaatsimik, oqaatsinik piorsarsimassutsimillu misilittagaqarlunilu ilisimasalik
  • Marluinik oqaaseqartuuneq, kalaallisut qallunaatullu

    Qaninnertut qullersarineqassaaq kommunimi Ataatsimoorussanut Sullissivimmi pisortaq.

    Pingaartuuvoq suleqateqarluarsinnaanissaq, ulapaarfiusumi sulisinnaanissaq kiisalu marlunnik oqaaseqarfiusumi suliffeqarnissaq piareersimaffigisassaalluni, ilinniagaqarsimaneq inuttullu piginnaasat ataatsimut isiginiarneqartarput.


  • Akissaatit atorfeqarnermilu atugassarititaasut 

    Isumaqatigiissut atuuttoq naapertorlugu fagchefitut atorfinititsisoqassaaq aamma akissarsiaqartitsisoqassaaq, aammmalu matumani atorfininnermi soraarnermilu angalaneq, pisattat assartorneqarnerat, pissapput atorfininnermi Naalakkersuisut Kattuffiullu isumaqatiginninniarsinnaatitaasup akornanni isumaqatigiissutit atuuttut aallaavigalugit.

    Atorfimmut atatillugu inissaqartitsisoqarsinnaavoq, malittarisassat qaqugukkulluunniit atuuttut naapertorlugit qularnaveeqqummut illumullu akiliummik akilerneqartartussamik.

    Atorfimmut paasissutissat sukumiinerusut pineqarsinnaapput Ataatsimoorussanut Sullissivimmi pisortaagallartoq Bea Mølgaard Lennert oq.: 94 78 17 / 55 06 69 e-mail: bmle@avannaata.gl attaveqarfigalugu.


    Qinnuteqarfissaq kingulleq 

    Qinnuteqaat ilinniarsimanermut pappilissat, CV, oqaaseqaatit, paasiniaavigineqarsinnaasut il.il. ilanngullugit Sulisoqarnermut Immikkoortortaqarfimmut apuutereersimassapput kingusinnerpaamik 13. maj 2018.

    Qinnuteqaat uunga nassiunneqassaaq 

    Avannaata Kommunia

    Sulisoqarnermut Immikkoortortaqarfik

    Postboks 1023

    3952 Ilulissat

    Imaluunniit e-mail-ikkut: hr@avannaata.gl