Ilulissani atuareernerup kingorna ornittakkami Tikiusaami isumaginninnermut ikiortimik imaluunniit, isumaginninnermut assistent-mik pissarsiorpoq

Avannaata Kommuniani, Ilulissani atuareernerup kingorna ornittakkami Tikiusaami isumagininnermut ikiortimik imalt. Isumaginninnermut assistent-mik, atorfinittussamik pissarsiorpoq. Socialhjælperip imaluunniit socialassistent qaninnertut qullersarissavaa Ilulissani tikiusaami aqutsisoq. Atorfininneq pissaaq 1. Juni 2018
Qinnuteqarfissaq:
27. maj 2018
Sumi:
Ilulissat
Akissarsiat:
Isumaqatigiissutit malillugit

Suliassat akisussaaffiillu: 

  • Paaqqinnittarfiup anguniagai suleriaatsitullu pilersaarutai malillugit sulineq.

  • Meeqqat akisussaassuseqartumik isumannaatsumillu paarineqarnissaat.

  • Init suleqatigiaallu immikkoortut akornanni suleqatigiinneq.

  • Angajoqqaanik suleqateqarneq.

  • Ulluinnarni pisartut tulleriisitaarneri sulisut akornanni paarlagiiaallugit suliassat.


Piginnaasat: 

  • Isumaginninnermut ikiortitut ilinniarsimasuunissaq.

  • Ulluunerani paaqqinnittarfimmi sulinermik misilittagalik.

  • Akisussaassuseqartuuneq.

  • Takunnissinnaaneq naleqqussarsinnaanerlu.

  • Ulapipallassinnaaneq, eqaatsumik suleriuseqarneq.

  • Suleqatikkuminartoq aalaakkaasorlu.

  • Timikkut tarnikkullu peqqissuuneq, kiisalu ammasuuneq qiimasuunerlu.

  • Paaqqinnittarfiup anguniagai iliuusissatullu pilersaarutai aallaavigalugit sulisinnaaneq.


Akissaatit atorfeqartitaanermullu atugassarititaasut: 

Atorfininnermi atugassarititaasut Naalakkersuisut kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.

 

Atorfimmut atatillugu inissaqartitsisoqanngilaq.

 

Pinerlussimannginnermut uppernarsaatit aamma meeqqanut pinerliisimannginnermut uppernarsaatit naammaginartut tunngavigalugit atorfinitsitaaneq pissaaq, taakkulu qinnuteqartut akuersineratigut Rigspolitiinit sulisitsisumiit piumaneqassapput.


Attaveqarfissaq :  

Atorfimmut paasissutissat sukumiinerusut pineqarsinnaapput atuareernerup kingorna ornittakkami tikusaami aqutsisoq  Karen J. Siegstad saaffigineratigut oqarasuaat 38 55 48 imaluunniit e-mail: ksie@avannaata.gl

Qinnuteqaat ilinniarsimanermut siornatigullu sulisimanermut paasissutissanik imalik, ilanngullugit soraarummeernermut il.il. allagartat Sulisoqarnermut Immikkoortortaqarfimmut apuutereersimassapput kingusinnerpaamik 27. maj 2018 uunga nassiunneqassallutik:

 

Avannaata Kommunia, Sulisoqarnermut immikkoortortaqarfik, Postboks 1023 3952 Ilulissat

E-mail: hr@avannaata.gl