Ilulissani Ilaqutariit illuanni ilaqutariinnik katsorsaasoq

Ilaqutariit ikiornissaminnik pisariaqartitsisut ikiortariaqartullu ikiornissaannik soqutiginnippit? Taamaassimappat immaqa illit tassaavutit ujartugarput.

Avannaata Kommuniata immikkoortortaqarfiani Ilulissaniittumi ilaqutariinnik katsorsaasumi ilaqutariinnik sullisserusuttumik pissarsiorpugut 1. Juli 2018 isumaqatigiissuteqarnikkut sulilersinnaasumik ujaasivugut.

Kommunemi tamarmi ilaqutariinnik katsorsaasut allat, isumaginninnermik siunnersortit tarnillu pissusaanik immikkut ilisimasallit suleqatigisassavatit; taakku qitiusumik ilaqutariit pinaveersaartitsiviullu illuanni nutaami Ilulissani inissisimasumi sulliveqarput. Immikkoortortaqarfimmi pisortaq qaninnertut pisortarissavat.
Qinnuteqarfissaq:
24. juni 2018
Sumi:
Ilulissat
Akissarsiat:
Isumaqatigiissutit malillugit

Suliassat akisussaaffiillu ilaatigut makkuussapput: 

  • Ilaqutariinnik katsorsaasup sullissisoq qanimut suleqatigalugu ilaqutariinnik, ilaqutariittut katsorsartinnissaminnut innersuussanik, aqqutissiuussillunilu siunnersuisassaaq

  • Perorsaaneq isumassuineq, ilaqutariit iluini attaveqartarneq, ilaqutariit iluini inoqutaasut inissisimaffii, inuusuttuaqqat ajornartorsiutaat assigisaallu pillugit siunnersuineq aqqutissiuussinerlu

  • Ilaqutariit sullissisullu suleqatigalugit isumaqatigiissusiornermi peqataaneq. Isumaqatigiissut makkuninnga imaqartassaaq: ilaqutariit sutigut sullinneqassanersut, ilaqutariinnik katsorsaasup inissisimaffia, immikkuualuttut aamma piffissarititat. Taakkua saniatigut iliuusisatit pilersaarutip ilaa ingerlaavartumik nalilersorneqartassaaq

  • Ilaqutariit inuuneri aallaavigalugit ulluinnarni inuunerminni aaqqissuusinissaannut ikiorsiineq

  • Ilaqutariit suleqatigalugit aaqqiagiinngissutinik aaqqeeriarsinnaanerinut periutsit assigiinngitsut atorlugit siunnersuineq

  • Angerlasimaffimmi pissutsit aallaavigalugit pisarialinnik ikiorsiineq

  • Meeqqat ilaqutariillu ataatsimoorussamik ajornartorsiutaannik aaqqiissutaasinnaasunik suliniutinik aallartittoqarnissaanut akissaaqataaneq, illoqarfimmi innuttaasut sapaatip-akunnikkuutaartumik ammasumik siunnersorneqartarneri ilanngullugit suliaqarneq

  • Pissutsit aallaavigalugit suliffeqarfiup iluani avataanilu suleqatigisartakkanik suleqateqarneq

  • Suliat nutaat pilersittargit; nalunaarsuinerit sullitallu allattorsimaffiinik aaqqissuusisarnerit ilanngullugit suliarineqartassapput. Ulluinnarni sammisat kisitsinngorlugit nalunaarsorneqartassapput

  • Ilaqutariinnik katsorsaaneq naammassippat sullissisumut nalunaarusiortoqartassaaq


Makku piginnaasaqarfigissagitit ilimagaarput: 

  • Kommunip aaqqissuusaanerani inunnik sullissinermik misilittagalik meeqqanik, inuusuttunik ilaqutariinnillu allatigut attuumassuteqartunik suliaqarneq

  • Inunnik allanik isumaginninnermillu suliaqarnissamik soqutiginnittoq eqaatsumik pitsaasumillu isiginnittariaasilik namminersorluni sulisartoq aamma suleqatigineqarluarsinnaasoq sulianik tamanik takunnillaqqissoq aamma pilersaarisornermik pikkoriffilik , imminut paarisinnaasoq allanillu paarsisinnaasoq qiimasoq eqqarsallaqqissorlu


Akissarsiat atorfeqarnermilu atugarisat: 

Akissarsiat aamma atorfeqarnermi pissutsit, atorfininnermi soraarnermilu angalasinnaatitaa-neq kiisalu pigisanik nuussineq Naalakkersuisut kattuffiullu isumaqatigiinniussisinnaatitaasup akornanni atorfininnerup nalaani isumaqatigiissut atuuttoq naapertorlugu pissaaq.

 

Nammaginartumik pinerlitsaaliisimannginnermut uppernarsaat aamma meeqqanik pinerliisi-mannginnermik uppernarsaat atorfininnissamut piumasaqaataavoq. Taakku atorfinittussap atsiorluni akuerinerata kingorna atorfinititsisussamit Naalagaaffiup politiivinut (Rigspolitiet) pissarsiarineqas-sapput.

 

Atorfik inissaqartitsivoq

 

Atorfik pillugu paasissutissat itinerusut qitiusumik Ilaqutariit pinaveersaartitsiviullu illuanni immikkoortortami pisortamut, Frederikke Rasmussen -imut, oqarasuaat 38 55 61 imaluunniit mailimut: frra@avannaata.gl –mut saaffiginnilluni pissarisiarineqarsinnaapput.

 

Qinnuteqaat ilinniarsimanermik siusinnerusukkullu suliffigisimasanik paasissutissartalik, ilinniakkamik naammassinninnermi uppernarsaatip oqaaseqaatillu assinganik ilalerlugu HR-afdelingen kingusinnerpaamik 24. juni 2018-imi tiguneqareersimassaaq.

 

Qinnuteqaatit ilinniarsimanermik uppernarsaatitaallit aamma siusinnerusukkut suliffigisima-samit oqaaseqaatitallit mailimut uunga nassiunneqassapput: hr@avannaata.gl

 

Qinnuteqaatit allakkatigut najukkamut uunga nassiunneqarsinnaapput:

 

Qaasuitsup Kommunia,

Att. HR-afdelingen,

Postboks 1023

3952 Ilulissat