Allangarsiuteqqitaq Avannaata Kommunia Dr Ingrid-imi aamma Nuunumi inuussutissalerinermik ikiortimik sulisussarsiorpoq

Avannaata Kommunia Uummannami Dr. Ingrid-imi aamma Nuunumi inuussutissalerinermi ikiortimik 1. juli 2018-imi sulilersussamik sulissarsiorpoq.
Inuussutissalerinermi ikiortip Dr. Ingrid-imi aamma Nuunumi pisortaq qaninnertut pisortarissavaa.
Qinnuteqarfissaq:
24. juni 2018
Sumi:
Uummannaq
Akissarsiat:
Isumaqatigiissutit malillugit

Akisussaaffiit: 

  • Pisortaq aamma pisortap tullersortaa suleqatigalugit nerisassanik inniminniineq.

  • Illoqarfimmi/ nunaqarfimmi nerisassanik pisiniarneq, paaqqinnittarfiliaassisoqarsinnaappat nal. 15 nallertinnagu tamanna pisassaaq.

  • Meeqqat amerlassusilikkat ullup ingerlanerani nerisassaannik piareersaaneq.

  • Ukiumut missingersuutit naapertorlugit qaammammut atugassat pilersaarusiorneqassapput.

  • Pisortaq imaluunniit pisortap tullersortaa suleqatigalugu nerisitsinermut kontop 16-00-p qaammatikkuutaartumik atorneqarnera pillugu ilisimatitsineq.

  • Nerisassat pilersaarutaannik suliaqarneq sulisut allat peqatigineqarsinnaapput.

  • Igaffiup: sikaaviit toqqorsivigineqartartut, nillataartitsiviit, qerititsiviit, kissarsuutit, ilitsiviit, nerriviit, qulliit, igalaat il.il. eqqiarneqartarnissaanik suliassat pilersaarusiorlugit, taamaalilluni ulluinnarni, sapaatip-akunnikkaartumik aamma qaammatikkuutaartumik suut eqqiarneqartassanersut erseqqissumik allaassimasuutigineqalissapput.

  • Paaqqinnittarfimmi ajornartoortoqartillugu suliassanik allanik suliaqartoqartariaqartassaaq, soorlu assersuutigalugu eqqiaaneq, meeqqanik nakkutilliineq il.il..

  • Sulisut qaammammoortumik ataatsimiinnerini peqataaneq aamma paaqqinnittarfiup ukiup ingerlanerani aaqqissuussaani allani peqataaneq.

  • Illoqarfimmi paaqqinnittarfinni allani igaffimmi sulisut suleqatigiillutik ataatsimiinnerini peqataaneq.


Sulisunut piumasaqaatit: 

  • Igasup ikiortaatut imaluunniit inuussutissalerinermi ikiortitut ilinniarsimaneq.

  • Pilersaarusiornermik aamma nerisassat missingersuusiorfiginerinik misilittagalik.

  • Akisussaaffimminik ilisimaarinnittoq, sulilluartoq aamma sulerisussuseqartoq. Suliassanik tamanik ilisimaarinnittoq aamma eqaatsumik suleriaasilik. Suleqatiginnikkusuttoq, ilakkuminartoq aalajaatsorlu. Timikkut tarnikkullu peqqissoq. Nerisassat peqqinnartut nutaamik eqqarsaatigalugit sassaalliutigiumasassavai.


Atorfeqarnermi atugassat:  

Naalakkersuisut kattuffiullu isumaqatiginninniarsinnaatitaasutut akuerisap akornanni isumaqatigiissutaat naapertorlugu atorfinititsisoqassaaq.
Atorfik inissaqartitsinngilaq.
Naammaginartumik pinerliisimannginnermik uppernarsaat atorfininnissamut piumasaqaataavoq, taakku atorfinittussap atsiorluni akuerinerata kingorna atorfinititsisussamit naalagaaffiup politiivinut pissarsiarineqassapput.


Attaveqarfissat: 

Atorfik pillugu paasissutissat itinerusut Dr. Ingrid-ip aamma Nuunup pisortamut, Dorthe M. Grønvold-imut, oqarasuaat 95 45 57 imaluunniit 95 45 58 mailimut: domg@avannaata.gl –mut saaffiginnilluni pissarisiarineqarsinnaapput.

 

Qinnuteqaat ilinniarsimanermik siusinnerusukkullu suliffigisimasanik paasissutissartalik/ siusinnerusukkut suliffigisimasamit oqaaseqaatitallit kiisalu pinerliisimannginnermik uppernarsaammik ilalerlugu kingusinnerpaamik 24. juni 2018-imi uunga nassiunneqassaaq:

Avannaata Kommunia, sulisoqarnermut immikkoortortaqarfik, Postboks 1023, 3952 Ilulissat,
Mail:
hr@avannaata.gl