Upalungaarsimanermut fagchef-issarsiorneq

Avannaata Kommuniani Upalungaarsimanermut Pisortatut atorfik piaartumik imaluunniit isumaqatigiissuteqareernerup kingorna inuttassarsiuunneqarpoq.
Atorfik Ilulissani inissisimavoq. Sulisunik aqutsinissamut ilisimasaqarluartumik attaveqaqateqallaqqissumillu, suliffeqarfiup iluani avataanilu, sutigullu tamatigut suleqateqallaqqissumik sulisussarsiorpugut.
Qinnuteqarfissaq:
22. juli 2018
Sumi:
Ilulissat
Akissarsiat:
Isumaqatigiissutit malillugit

Qaninnertut qullersarissavat Avannaata Kommuniani Sanaartornermut Avatangiisinullu Pisortaaneq. 

Akisussaaffigissavatit: 

• Annaassiniarnissamut upalungaarsimaneq pillugu inatsit, Inatsisartut akuersissutigisimasaat, tunngavigalugu kommunimi upalungaarsimaneq.

• Qatserisartut pisortaatut ataqatigiissaarisutut allaffissornikkut Avannaata Kommuniani qatserisarfiit illoqarfinnilu sisamani Suliniuteqarnermut Aqutsisut, matumani ilanngullugu missingersuusiornermut pilersaarusiorneq missingersuutinillu malittarinninneq, qullersatut akisussaaffigissavatit.

• Sumiiffinni Suliniuteqarnermut Aqutsisut akisussaaffiup iluani suleriutsit malittarisassallu, qatserisartoqarneq, ilinniartitaaneq, atortut inatsisit atuuttut malillugit atortorineqarnersut inatsisillu atuuttut pillugit ilisimasaqarluarnissaat siunertaralugu ilinniartittassavatit.

• Pinaveersaartitsiniarluni sulianut, ikuallattoorsinnaanermut misissuinernut sanaartukkanillu ikuallattoorsinnaanissamullu sullissinernut qullersatut akisussaaffigissavatit nakkutigalugillu.

Piginnaasatit: 

• Qatserisartoqarnermut annaassiniarnerullu iluani ilinniagaqarsimanissaq.
• Nunatsinni qatserisartoqarnermi upalungaarsimanermilu atugassarititaasunik ilisimasaqarluarneq.
• Nunatsinni akisussaaffiup iluani inatsisinut ilisimasaqarneq.
• Suleqateqallaqqissuunissaq, ulapaarfiusumi arajutsisaatsuunissaq kiisalu marlunnik oqaaseqarfiusumi, sulinermi piginnaasanik taamatuttaarlu inuttut piginnaasanik pingaartitsiffiusumi, sulisinnaanissaq pingaaruteqarpoq.

Akissarsiaqartitsineq atorfinitsitinerlu:  

Upalungaarsimanermut Pisortatut atorfimmut akissarsiaqartitsisoqassaaq Naalakkersuisut Ilinniargartuullu Kattuffiata akornanni isumaqatigiissut, qallunaatut allassimasoq, naapertorlugu (Akademikernes sammenslutning i Grønland af 24. februar 2011). Atorfik akissaateqarfimmi 35-imi inissisimavoq immikkullu ittumik tapeqartitsisoqassalluni.

Atorfimmut atatillugu inissaqartitsisoqarsinnaavoq, qularnaveequsiinermut/ineqarnermut ilaallu ilanngullugit inatsisit sukkulluunniit atuuttut tunngavilgalugit akiliisoqarpat. Atorfininnermut kiisalu nuunnermut atatillugu angalanermut akiliussisoqassaaq.

Atorfik pillugu paasissutissat amerlanerusut uunga saaffiginninnikkut pineqarsinnaapput: Sanaartornermut Avatangiisinullu Pisortaaneq Nick Nielsen telefon (+299) 38 76 05 imaluunniit e-mail-ikkut nick@avannaata.gl

Qinnuteqaat ilinniarsimanermut uppernarsaatit, attaveqarfissat oqaaseqaatillu ilanngullugit kingusinnerpaamik ulloq 22. juli 2018 kommunimut tunniunneqareersimassapput.

Qinnuteqaatit uunnga nassiunneqassapput: 

Avannaata Kommunia, Att. Sulisoqarnermut Immikkoortortaq, Postboks 1023, 3952 Ilulissat, imaluunniit e-mail-ikkut hr@avannaata.gl