ALLAGARSIUTEQQITAQ - Siusinaartumik pension-ilinnut sullissisoq, Majoriaq Ilulissat

Ilulissani Majoriaq 1. August 2018 imaluunniit isumaqatigiissuteqarnikkut piaartumik sulilertussamik siusinaartumik pension-isialinnut qulaajaanermik suliaqartussamik pissarsiorpoq. Atorfik killilimmik atorfiuvoq, 31. december 2020 tungaanut atorfik piulluni.
Qinnuteqarfissaq:
25. juli 2018
Sumi:
Ilulissat
Akissarsiat:
Isumaqatigiissutit malillugit

Suliassat akisussaaffiillu: 

  • Illoqarfimmi aammalu nunaqarfinni siusinaartumik pension-isialinnut immikkut ittumik iliuuseqarnermut suleqataaneq.

  • Siusinaartumik pension-isiallit sulisinnaassusaat aallaavigalugit qulaajaaneq.

  • Siusinaartumik pensionisiallit sulinermikkut periarfissaannik annertusaaniarluni nutaanik suliniuteqarlunilu ingerlatsineq.

  • Suliffeqarfinnut suleqatigisartakkanullu allanut attaveqarneq.

  • Siusinaartumik pensionisiassanik naatsorsuineq tunniussinerlu.

  • Ataavartumik susassaqarfik pillugu paasissutissiineq.

  • Sulinerullu ingerlanneqaranut nutaaliornernik aaqqiissutaasinnaasunillu siunnersuineq.

  • Majoriami atorfeqartut allat peqatigalugit, suliffeqarfinnut innuttaasunut suliffittaarnissamik pisariaqartitsisunik suleqataaneq, pilersaarusioqataanerlu.

 

Suliamut ilinniagaqarsimanissaq kissaatigineqarpoq, sulilernermi ingerlaannartumik illoqarfimmi, illoqarfiullu nunaqarfiini sisamaasuni innuttaasut siusinaartumik pension-eqartut ingerlariaqqitsinniarneqarnerannut peqataalersinnaallutit aammalu allaffimmi suliassanik tiguseriaannaassallutit.


Pisinnaasat: 

  • Suliassamut naapertuuttumik ilinniagaqarsimasoq.
  • Siusinaartumik pension-eqartunik sullisserusuttoq.
  • Sulilluartoq, imigassamik aanngajaarniutinillu ajornartorsiuteqanngitsoq.
  • Marluinnik oqaaseqartoq, kalaallisut qallunaatullu, kisiannili piumasaqaataanngilaq.

 

Naatsorsuutigissavat suliamut tunngatillugu pikkorissarnissamut periarfissaqaravit.


Akissarsiaqartitsineq atorfinitsitinerlu: 

  • Atorfinitsinneqartoq Naalakkersuisut SIK-llu Allaffissorneq Niuernerlu pillugit isumaqatigiissutaat malillugit atorfinitsinneqarsinnaavoq, imaluunniit ilinniagaq malillugu atorfinitsinneqarsinnaalluni.

  • Atorfimmut atatillugu inissaqartitsisoqarpoq.

Paasissutissat 

Atorfik pillugu paasissutissat amerlanerusut pissarsiarineqarsinnaapput Siusinaartumik pension-eqartunut tunngatillugu Siunnersortimut Amanda Fencker-imut oqarasuaat 38 76 94-mut saaffiginninnikkut imaluunniit mail-ikkut amfe@avannaata.gl.

Kingusinnerpaamik qinnuteqarfissaq 

Qinnuteqaat ilinniarsimanermut allagartat, siornatigut atorfigisimasamut uppernarsaatit, kiisalu soraarummeersimanermut uppernarsaatit assilineqarneri ilanngullugit tunniunneqarsimassaaq sulisoqarnermut immikkoortortaqarfimmut kingusinnerpaamik 25. juli 2018