Allagarsiuteqqitaq Uummannami Isumaginnittoqarfimmi ilaqutariinnik paaqqutarinninnermi siunnersorti

Avannaata Kommuniani immikkoortortaqarfimmi Uummannami isumaginnittoqarfimmi ilaqutariinnut paaqqutarinninnermut siunnersortimut atorfik 1. September 2018 inuttassarsiuunneqarpoq imaluunniit isumaqatigiissuteqarnikkut sulilersussamik.
Qinnuteqarfissaq:
24. august 2018
Sumi:
Uummannaq
Akissarsiat:
Isumaqatigiissutit malillugit

Avannaata Kommuniani Uummannami ilaqutariinnik paaqqutarinninnermi siunnersortimik pissarsiorpoq 

Ilaqutariinnut paaqqutarinninnermut siunnersortitut atorfik Uummannami isumaginnittoqarfimmi  inissisimavoq. Inunnik isumaginnittoqarfimmi immikkoortortami pisortaq qaninnertut qullersarissavat.

Suliassaqarfiit akisussaaffiillu 

  • Meeqqamik paaqqutaqarnissaanut qinnuteqaatit imaluunniit meeqqat angerlarsimaffiup avataanut inissinneqarsimasut eqqarsaatigalugit ajornartorsiutit suleqatigiit ataatsimiinnissaannut imaluunniit suliassaqarfiit akimorlgit ataatsimiititaliamut innersuussisarnermut peqataaneq kiisalu taakku ataatsimiititaliap inassuteqaatai naapertorlugit suliareqqinneqarnissaat aamma suleqatigiit ataatsimiinneranni aalajangerneqarsimasut eqqarsaatigalugit.

  • Kommunimi angajoqqaarsianik suleqateqarneq kiisalu meeqqat angerlarsimaffiup avataanut inissinneqarsimasut eqqarsaatigalugit suliassat ataasiakkaat eqqarsaatigalugit suleqatigisanik avataaneersunik ataavartumik ilisimatsitsisarneq

  • Isumaginnittoqarfimmut meeqqat angerlarsimaffiup avataanut inissinneqarsimasut pillugit nalunaarutit takkussimasut tamaasa ataavartumik ilisimatitsissutigalugit

  • Kommunimi meeqqanik angerlarsimaffiup avataanut inissinneqarsimasunik meerarsiartaanissamut qinnuteqaatinut atatillugu pulaarnermi nalunaarusianik aamma isumaginninnermi nalunaarusianik suliaqarnermi killiffik pillugu ataavartumik ilisimatitsisarneq

Qulaani suliat pineqartut saniatigut Isumaginninnermi Immikkoortortami Aqutsisup suliakkiisutai, isumaginninnerup iluani suliassat isumagisassanut ilaapput.


Piginnaasat kissaatigineqartut 

  • Perorsaasutut imaluunnit isumaginninnerup iluani ilinniarsimaneq – ajornanngippat piginnaassuseqarluarnermik kinguneqartumik ilinniagaqaqqissimaneq

  • Meeqqanut immikkoortortaqarfimmi ilaqutariinnik siunnersuinermut sulinermi misilittagaqarneq.

  • Isumaginnittoqarfimmi sulinermi misilittagaqarneq.

  • Anguniagalimmik sulisinnaassuseqarneq kiisalu suleqatigiinni suliassaqarfiit suleqatigiissinnaanerisigut suliassaqarfimminni ineriartortitsinissamut piginnaasaqarneq

  • Suliassani aamma periutsini aaqqissuussaasumik sulisinnaassuseqarneq

  • Angajoqqaanut ilaqutariinnut inissiigallarfiusunut meeqqanik sullissinermi sullissisunut kiisalu suleqatigiinni suleqatigiittut eqaatsumik akuersaartumik kiisalu akuutitsinermik periuseqarneq

Akissarsiaqartitsineq atorfinitsitsinerlu 

Akissarsiaqartitsineq atorfinitsitsinerlu pissapput kattuffimmut isumaqatigiinninniarsinnaa-titaasumut isumaqatigiissutit sukkulluunnit atuuttut naapertorlugit.

 

Atorfimmut atatillu inissaqartitsisoqanngilaq.

 

Naammaginartumik pinerlussimannginnermut uppernarsaat aamma meeqqanik pinerliisimannginnermik uppernarsaat atorfininnissamut piumasaqaataavoq. Taakku atorfinittussap atsiorluni akuersinerata kingorna atorfinititsisussamit Naalagaaffiup politiivinut (Rigspolitiet) pissarsiarineqassapput.

Paasissutissat 

Atorfimmut tunngatillugu annertunerusumik paasisaqartoqarsinnaavoq Inunnik Isumaginnittoqarfimmi aqutsisumut Kristine Samuelsen oqarasuaat 38 78 26-mut saaffiginninnikkut imaluunnit e-mail: krsa@avannaata.gl saaffiginnilluni pissarisiarineqarsinnaapput.

Qinnuteqarfissaq kingulleq 

Qinnuteqaat ilinniarsimaneq suliffigisimasallu pillugit paasissutissat, ilinniarsimanermut uppernarsaat il.il. ilanngullugit Sulisoqarnermut Immikkoortortaqarfimmut kingusinnerpaamik 24. August 2018

Qinnuteqaat uunga nassiunneqassaaq 

Avannaata Kommunia

Sulisoqarnermut Immikkoortortaqarik

Postboks 1023

3952 Ilulissat

Imaluunniit e-mail-ikkut: hr@avannaata.gl