Inuussutissarsiutinut, Takornariaqarnermut aamma susassaqarfik UNESCO-mut atatillugu Suliniutinut ataqatigiissaarisoq

Ilulissani Inuussutissarsiornermut Ingerlatsivimmut Avannaata Kommunia Inuussutissarsiutinut, Takornariaqarnermut aamma susassaqarfik UNESCO-mut Suliniutinut ataqatigiissaarisumik ulloq 1. september 2018 imaluunniit isumaqatigiissuteqarnikkut sulilersussamik pissarsiorpoq.
Qinnuteqarfissaq:
13. august 2018
Sumi:
Ilulissat
Akissarsiat:
Isumaqatigiissutit malillugit

Akisussaaffinnut atatillugu Suliniutinik Ataqatigiissaarisup pingaarnetut suliassai makkuupput: Takornariaqarneq amma Inussutissarsiorneq 

  • Inuussutissarsiornermi aamma takornariaqarnermmi anguniagassanik aamma periusissianik suliaqarnermut peqataaneq

  • Suliassaqarfimmi aqutsinermut, agguataarinninnermut amma ataqatigiissaarinermut peqataaneq

  • Aningaasaqarnermi qaammatikkaartunik-/ukiumoortunmik missingersuusiornermut aamma malitseqartitsinermut peqataaneq

  • Suliffeqarnerup iluani misissueqqissaarnernut peqataaneq.

Suliassaqarfik UNESCO 

  • Ilulissat Kangerluat pillugu paasissutissiineq aamma ingerlatsitsiteqqinneq (aqqit allassimaffiinik, quppersagaaqqanik, plakat-inik, video-nik, tv-kkut aallakaatitanik, nittartakkanik, atuartitsinermi atortussanik, takornarissanik angallassisartut isumasioqatigiinnerinut atatillugu suliaqarnermut akisussaaneq).

  • Nunarsuarmioqatigiit kingornussarsiaasa Ingerlatsinermi pilersaarutaata suliarineqarneranut atuutilersinneqarneranullu peqataaneq.

  • Avatangiisinut- aamma Pinngortitamut Aqutsisoqarfiup, ulluinnarni ingerlatinneqarnerani ukiumoortumik nalilersuineq aama iluarsiissutissanik siunnersuuteqarneq).

  • Nunarsuarmioqatigiit kingornussarsiaata nakkutigineqarneranik Nakkutilliisoq (Park Ranger) peqatigalugu qulakkeerinninneq.

  • Nunarsuarmioqatigiit kingornussarsiaat pillugu Kommunip tusagassiorfinnut attaveqarnera, tusagaasiuutitigut nalunaarutit.

  • Pisortatigoortumik tikeraarneqarnerit Kangerlummut attumassutillit (ilisarititsinerit, ataatsimiinnerit aamma takutitsinerit).

  • Nunarssuarmioqatigiit Kingornussassaqarfiannut atatillugu Namminersorlutik Oqartussat tusarniaanerinut akissuteqaatit, akuersissutit aamma akuersissutaagallartut.

  • Ilulissat Kangerluat pillugu Aqitsisoqatigiinnut ilaasortaaneq.

  • Sumiiffimmi pinngortitamik- aamma kulturikkut eriagisassanik nakkutilliineq.

  • Sumiiffimmi ineriartuutaasinnasunut tikkuussisunut nakkutilliineq.

Inuk ilaatigut inuttut makkuninnga piginnaasalik ujartorparput: 

  • Inuk nutaaliorsinnaasoq aqutsinerup iluani misilittagalik.

  • Inuk sulinermi qaffasissutsit tamakkerlugit suleqatiginnissinnaasoq.

  • Inuk suliffeqarfiup iluani aamma avataani attaveqatigiinnikkut piginnaasaqarluartoq.

  • Inuk unammilligassanut atatilugu pitsaasumik sunniutilimmillu isummertariaasilik.

  • Oqaatsit kalaallisut, danskisut kiisalu tuluttut sapinngikkitit.

Inuk kissaatigisarput ilinnigaqassutsikut makuninnga piginnaasalik takorloorparput: 

  • Inuussutissarsiornermut, takornariaqarnermut aamma suliassaqarfik UNESCO-mut pisortanut attuumassutillinnut tunngassutilinnik ilisimasaqarneq.

  • Nunatsinni suliffeqarfinnut ilisimasaqarneq.

  • Suliffeqarfimmi naalakkersuinikkut aqunneqartumi aqutsisutut qaffasissusilimmik atorfeqarnermik misilittagaqarneq.

  • Aqutsisutut ilinnigaqarnermik naammassinnissimaneq.

  • Kalaallit Nunaanni suliassaqarfimmut attuumassutilinnik inatsisiliornermut ilisimasaqarneq.

 

Qaninnerpaamik qullersarisaq tassaassaaq Inuussutissarsiornermut Ingerlatsivimmi Pisortaq.

Pingaaruteqarpoq suleqatigiinnissamut pitsaasunik piginnaasaqarnissaq, pisuni ulapaarfiusuni qulaaniit takunnissinnaassuseqarneq kiisalu marlunnik oqaaseqarfiusumi avatangiiseqarluni

sulisinnaassuseqarneq, soorlu aammattaaq inuttut piginnaasaqarnissaq annertuumik piumasaqaataasoq.

Akissarsiat- aamma sulinermi atugassarititaasut: 

Akissarsiat- aamma sulinermi atugassarititaasut, matumani atorfininnermut- aamma soraarnermut atatillugu angallanneqarnerit, pisattat nussorneqarnerat ilanngullugu Naalakkersuisut kiisalu suliniaqatigiiffiup isumaqatigiinniartussaatitaasup akornanni isumaqatigiissut sukkulluunniit atuuttoq naapertorlugu pissaaq.

Maannakkorpiaq atorfik akissaatit eqqarsaatigalugit inissinniarneqarpoq.

Atorfimmut atatillugu inimik innersuussisoqarsinnaavoq malittarisassat sukkulluunniit atuuttut naapertorlugit qularnaveeqqutinik/inimut akiliisoqartassalluni.

Paasissutissat 

Atorfik pillugu paasissutissat aamma atorfik pillugu allaaserinninneq Inuussutissarsiornermut Pisortamut Hans Peter Lennert-imut oqarasuaat 38 76 06-imut imaluunniit e-mail-ikkut uunga: hple@avannaata.gl-mut  saaffiginninnikkut pissarsiarineqarsinnaapput.

Kingusinnerpaamik qinnuteqarfissaq 

Qinnuteqaat ilinniagaqarnermut kiisalu siornatigut suliffigisimasanik paasissutissanik, soraarummernermi uppernarsaatinik, innersuussissutinik aamma oqaaseqaatinik imaqartoq kingusinnerpaamik ulloq 13. august 2018

Qinnuteqaatit uunnga nassiunneqassapput 

Avannaata Kommunia

Sulisoqarnermut Immikkoortortaqarfik

Postboks 1023

3952 Ilulissat

imaluunniit E-mail-ikkut uani: hr@avannaata.gl-mi