Innarluutilinnut sullissisoq

Avannaata Kommuniata Ilulissani innarluutilinnut sullissisussatut Atorfik 1. september 2018-imiit imaluunnit isumaqatigiissuteqarnikkut inuttassarsiunneqarpoq.
Qinnuteqarfissaq:
24. august 2018
Sumi:
Ilulissat
Akissarsiat:
Isumaqatigiissutit malillugit

Ilulissani inunnik isumaginnittoqarfimmut innarluutilinnut sullissisoq 

Innarluutilinnut sullissisup inunnik isumaginninnermi immikkoortortaqarfimmi aqutsisoq qaninnertut qullersarissavaa.

Atorfimmi suliassarisassat makkuussapput: 

  • Innarluutilinnut ilaqutaannullu tunngasunik saaffiginnittut isumagalugit, siunnersuinermillu ingerlatsinerit.

  • Innarluutilinnut tunngasuni sullissinerit tamaasa isumagalugit.

  • Innarluutillit pillugit peqqussut naapertorlugu qinnuteqaatinik suliaqarneq.

  • Ikiorsiissutinik tunniussinermi akuersissuteqarnermi allakkiorneq, kiisalu peqqussut najoqqutaralugu ikiorsiissutinik allanik suliaqarneq.

  • Innarluutillit najugaqarfinni atugassarititaannik malittarinninneq nakkutiginninnerlu, pisariaqartitsisoqartillugu nalunaaruteqartarneq.

  • Sulianut tunngasunik suliassanik allanik suliaqarneq.

Taakku saniatigut atorfik pillugu akisussaaffiit allaaserinninnerillu Ilulissani inunnik isumaginnittoqarfimmi aqutsisumut saaffiginnilluni pissarsiarineqarsinnaapput.

Piginnaasat kissaatigineqartut: 

  • Isumaginninnermi  siunnersorti, rådgivningsassistenti, allaffimmioq sammisamut pikkorissarsimasoq, perorsaasoq isumaginninnermik aammalu allaffissornermik pikkorissarsimasoq, imaluunniit isumaginninnermi ikiorti isumaginninnerup iluani pikkorissarsimasoq.

  • Isumaginninnerup iluani sullissinermik misilittagalik perusunneqarpoq.

  • Qarasaasiamik atuilluarsinnaasoq.

  • Kalaallisut qallunaatullu oqalussinnaaneq/allassinnaaneq iluaqutaassaaq.

  • Sullisserusussuseqarneq, aalajaanneq, peqqissaartuuneq suleqateqarluarsinnaanerlu.

Akissaatit atorfeqartitaanermilu atugassarititaasut: 

Atorfininnermi atugassarititaasut Naalakkersuisut peqatigiiffiullu isumaqatigiinniarsinnaatitaasup akornanni isumaqatigiissut atuuttoq naapertorlugit pissapput.

Atorfimmut atatillugu inissaqartitsisoqanngilaq.

Pinerlussimannginnermut uppernarsaatit naammaginartut tunngavigalugit atorfinitsitaaneq pissaaq, taakkulu qinnuteqartup akuersineratigut Rigspolitiinit sulisitsisumiit piumaneqassapput.

Paasissutissat 

Atorfik pillugu paasissutissat allat Ilulissani Isumaginninnermut immikkoortortami aqutsisumut, Pia Tina Lange-mut, oqarasuaat 38 75 61 imaluunniit E-mail ptl@avannaata.gl atorlugu saaffiginninnikkut piniarneqarsinnaapput.

Kingusinnerpaamik qinnuteqarfissaq 

Qinnuteqaat ilinniarsimanermut siornatigullu sulisimanermut paasissutissanik imalik, ilanngullugit soraarummeernermut il.il. allagartat Sulisoqarnermut Immikkoortortaqarfimmut apuutereersimassapput kingusinnerpaamik 24. august 2018

Qinnuteqaatit uunnga nassiunneqassapput 

Avannaata Kommunia

Att. HR-afdelingen

Postboks 102

3952 Ilulissat

Imaluunniit Email-ikkut: hr@avannaata.gl