Atuarfimmi siunnersorti Ilulissanut

Avannaata Kommunia Ilulissani peroriartortitsinermut Ingerlatsivik atuarfimmi siunnersortimik pissarsiorpoq. Atorfik 1. september 2018 imaluunniit isumaqatigiissuteqarnikkut inuttalerneqartussatut natsorsuunneqarpoq.
Qinnuteqarfissaq:
19. august 2018
Sumi:
Ilulissat
Akissarsiat:
Isumaqatigiissut malillugu

Avannaata kommunia Ilulissani Atuarfimmi siunnersortissarsiorpoq 

Atuarfimmi siunnersorti atuarfeqarfinni MISI Avannaanilu pisortamut toqqaannartumik qullersaqarpoq.

 


Suliassat kiisalu akisussaaffeqarfiit ilaatigut makkuupput: 

  • Misissueqqissaarnernit paasissutissanut tamanut toqqorsivimmik suliaqarneq.

  • Qaammatit pingasut qaangiunneri tamaasa missingersuutit pillugit nalunaarusianik katersineq (01.04 – 01.07. – 01.10).

  • Atuarfeqarneq pillugu pikkorissaasarneq pillugu periusissanik malittarisassiorneq.

  • Tiiminik kiisalu suliassaqarfinnik agguataarinninneq kiisalu sammisassaqartitsinissamut pilersaarutit assigisaallu pillugut siunnersuineq aamma nakkutilliineq

  • Ukiut tamaasa kingusinnerpaamik 31. maj tikitsinnagu Ingerlasivimmut missingersuutinut- kiisalu sanaartugassanut kissaatinik katersineq (atuarfeqarnermut tunngasunik).

  • Atuarfimmi siulersuisut ukiumoortumik nalunaarusiaannik katersineq aamma pitsaassutsimik qulakkeerinninneq.

  • 1. juli-mi nalunaarutinik katersineq aamma pitsaassutsimik qulakkeerinninneq.

  • 1. oktober-imi nalunaarutinik katersineq aamma pitsaassutsimik qulakkeerinninneq.

  • Pitsaassuseq pillugu nalunaarusiat pitsaassusaannik katersineq aamma qulakkeerinninneq.

  • Ulluinnarni ingerlatsinermi sunniutaaratarsinnaasut pillugit atuarfinnut paasissutissiineq/malinnaatitsineq.

  • Atorfiniffimmi taakkulu nunaqarfittaani aqutsisut akornanni suliassat agguataarneqarnissaannut siunnersuineq.

  • Kommunimi atuarfeqarneq pillugu missingersuutit ilaannik suliaqarneq.

  • Meeqqanut naamma inuussuttunut politikki aallaavigalugu periusissamik sulliaqarneq.

Tamatuma saniatigut atorfimmut atatillugu akisussaaffiit- kiisalu atorfik pillugu allaatiginninneq innersuunneqarpoq, taanna atuarfeqarfinni MISI Avannaanilu pisortamut pissarsiarineqarsinnaavoq.


Ilinniakkatigut kiisalu inuttut piginnaasat 

  • Meeqqat atuarfianni ilinniartitsisutut ilinniagaqarneq imaluunniit Naalakkersuisunit akuerineqartumik tassunga assigusumik ilinniagaqarneq.

  • Aningaasaqarnermut aqutsinermut kiisalu suliassanut missingersuutinut attuumasssuteqartunut ilisimasaqarneq.

  • Atuarfeqarfimmi minnerpaamik ukiuni marlunni aqutsisutut misilittagaqarneq.

  • TRIO-mut/TEA-mut/TABULEX-imut ilisimasaqarneq

  • Aqutsisunut aamma /imaluunniit allaffissortunut qaffassaataasumik ilinniagaqarneq/pikkorissarneq.


Akissarsiat kiisalu atorfininnermi atugassarititaasut 

Atorfinitsitsineq akissaateqarnerlu Naalakkersuisut kiisalu suliniaqatigiiffiup isumaqatigiinniartussaatitaasup akornanni isumaqatigiissutit atuuttut malillugit pissaaq.

 

Malittarisassat atuuttut naapertorlugit atorfimmut atatillugu inissaqartitsisoqarpoq.

 

Atorfik pillugu annertunerusumik paasissutissat atuarfeqarfinni MISI Avannaanilu pisortaagallartumut Else marie Ravnshøj Johansen-imut uunga: rie@avannaata.gl aaneqarsinnaapput oqarasuaat: 38 77 42.

Qinnuteqarfissaq kingulleq 

Qinnuteqaat ilinniagaqarsimanermut kiisalu siornatigut suliffigisimasanik paasissutissanik, soraarummeernermi uppernarsaatit assilineranik ilaqartut Sulisoqarnermut Isumalluuteqarnermullu immikkoortortap kingusinnerpaamik ulloq 19. august 2018 tigoreersimassavai.


Qinnuteqaat uunga nassiunneqassaaq 

Avannaata Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit E-mail-ikkut: hr@avannaata.gl