Angerlarsimaffimmi meeqqanik paarsisartoq Upernavik Kujallermi

Avannaata Kommuniani Upernavik Kujallermi angerlarsimaffimmi meeqqanik paarsisartussarsiorpoq piaartumik 01. oktober 2018 imaluunniit isumaqatigiissuteqarnikkut atorfinittussamik.
Qinnuteqarfissaq:
23. september 2018
Sumi:
Upernavik Kujalleq
Akissarsiat:
Isumaqatigiissutit malillugit

Angerlarsimaffimmi meeqqanik paarsisartoq Upernavik Kujallermi 

Avannaata Kommuniani Upernavik Kujallermi angerlarsimaffimmi meeqqanik paarsisartussarsiorpoq piaartumik 01. oktober 2018 imaluunniit isumaqatigiissuteqarnikkut atorfinittussamik.

Angerlarsimaffimmi meeqqanik paarsisartup pisortaa qaninneq tassaassaaq Ilulissani perorsaanermut siunnersorti.

Suliassat aamma akisussaaffiit: 

  • Meeqqat illersorneqarsinnaasumik naviananngitsumillu paarineqarnissaannik akisussaaffeqarneq.

  • Meeqqat nakkutigineqaratik qimaqqusaanngillat.

  • Angerlarsimaffimmi meeqqanik paarsisartoq illumit aneqqusaanngilaq aamma meeqqat qimaqqusaanngilai.

  • Taakkua saniatigut meeqqat qimikinnerusunik ullaap tungaani, ullup qeqqanut, ualikkullu nerisinneqartassapput.

Atorfinittussamut piumasaqaatit: 

  • Angerlarsimaffimmi meeqqanik paarsisartoq nukissaqarluartuussaaq, nuannaartoq meeqqanik nal. 7:30-imiik tigooqqaanissaminut piareersimasartoq.

  • Angerlarsimaffimmi meeqqanik paarsisartup angerlarsimaffia eqqiluitsuussaaq, torerluni aamma nal. 7:30 nallertinnagu silaannarittuussaaq.

  • Meeqqanik pilersuisut meeraq pillugu paasissutissiinissaminnut periarfissaqartitaassapput.

  • Avannaata Kommuiani naalakkersuinermik suliallit aalajangigaat malillugit meeqqat ullup ingerlanerani qanorilisukkulluunniit tamatigut tigooqqarneqartassapput.

  • Illoqarfimmit imaluunniit nunaqarfimmit tikeraartut suliffiup nalaani iseqqusaassanngillat. Tikeraat angalasut isersimassagunik meeqqat isersimaffigisaannit inimi allami sapinngisamik isersimasassapput.

  • Pujortarnermik inerteqquteqarneq pillugu Inatsisartut inatsisaat nr. 15, 26. maj 2010-meersumi § 7 naapertorlug meeqqanik paarsiviusumi inimi pujortartoqaqqusaanngilaq. Meeqqat pinnguarfigisartagaanni aamma isersimaarfigisartagaanni inini ulloq unnuarlu pujortartoqaqqusaanngilaq.

  • Piffissami 7.30-imiit 17.00-p akornanni imigassartorneq inerteqqutaavoq

  • Meeqqat sapigallit peqqinnissarlu peqqutigalugu illup iluani uumasuuteqarneq inertoqqutaavoq.

Akissarsiat atorfeqarnermilu atugassarititaasut: 

Namminersortik oqartussat SIK-llu akornanni kommunip angerlarsimaffimmi meeqqanik paarsisartui pillugit isumaqatigiissut naapertorlugu atorfinititsisoqassaaq.

  • Atorfik sapaatip-akunneranut piffissaq tamakkiisoq 47½ timiit suliffiusussatut aamma piffissap ilaa nalunaaquttap akunneri 30-it sivisussusilimmik suliffigineqartassaaq.

  • Sapaatip-akunnerata ulluini siullerni tallimani 7:30-miit nal. 17:00-p tungaanut ammatitsisoqartassaaq.

  • Nal. 17-p kingorna qaangiuttoornermusianik akissartitsisoqartassanngilaq, qaangiuttoornermusiat 2.400 koruuninik qaammammut suliartoqquneqariartaarnissamut tapinit, piffissami tamakkiisumi sulisartunut tunniunneqartartunit, matussuserneqartarmata.

 

Atorfik inissaqartitsinngilaq.

 

Pinerlitsaaliisimannginnermik uppernarsaat aamma meeqqanik pinerliisimannginnermik uppernarsaatit naammaginartuunissaat atorfininnissamut piumasaqaataapput, taakkua qinnuteqartup akuersilluni atornerata kingorna naalagaaffiup politiivinut pissarsiarineqartussaassapput. Taassuma saniatigut inoqutigiinni inuit 15-it sinnerlugit ukiullit tamarmik meeqqanik pinerliisimannginnerinik uppernarsaatit aamma pissarsiarineqartussaassapput.

Inuk attaveqaataasoq: 

Atorfik pillugu paasissutissat amerlanerit Ilulissani perorsaaneq pillugu siunnersortimut, Thora S. Madsen, oqarasuaat 38 55 21 imaluunniit maili: tsm@avannaata.gl –mut saaffiginnilluni pissarsiarineqarsinnaapput.


Kingusinnerpaamik qinnuteqarfissaq: 

Qinnuteqaat, ilinniakkap uppernarsaataata assinga, inunnik sullissisinnaanermut uppernarsaat aamma siusinnerusukkut suliffigisimasat pillugit paasissutissartalerlugu kingusinnerpaamik 23. september 2018 nassiunneqassaaq.

Qinnuteqarfissaq: 

Avannaata Kommunia

Att. Sulisoqarnermut immikkoortortaqarfik

Postboks 1023

3952 Ilulissat

Mail: hr@avannaata.gl.