Avannaata Kommuniani Ilulissani Meeqqerivik Arnarsiaq inuussutissalerinermi ikiortimik sulissarsiorpoq

Avannaata Kommuniani Ilulissani Meeqqerivik Arnarsiaq inuussutissalerinermi ikiortimik piaartumik sulilersussamik sulissarsiorpoq.
Qinnuteqarfissaq:
23. september 2018

Avannaata Kommuniani Ilulissani Meeqqerivik Arnarsiaq inuussutissalerinermi ikiortimik sulissarsiorpoq 

Avannaata Kommuniani Ilulissani Meeqqerivik Arnarsiaq inuussutissalerinermi ikiortimik piaartumik sulilersussamik sulissarsiorpoq.

Inuussutissalerinermi ikiortip Meeqqerivik Arnarsiaq aqutsisoq qaninnertut pisortarissavaa.


Akisussaaffiit: 

  • Pisortaq aamma pisortap tullersortaa suleqatigalugit nerisassanik inniminniineq.

  • Illoqarfimmi/ nunaqarfimmi nerisassanik pisiniarneq, paaqqinnittarfiliaassisoqarsinnaappat nal. 15 nallertinnagu tamanna pisassaaq.

  • Meeqqat takkussimasut nerisassiuunnissaat taamatullu suleqatit aaliangersimasumik amerlassusillit nerisassiuunnissaat.

  • Suleqatigiit iluanni isumaqatigeereernikkut sulisut aaliangersimasut perorsaanertalimmik meeqqat nereqatigisassuaat. Meeqqat siulliunneqassapput, naammappatalu aatsaat sulisut meeqqat nerisaata annertoqqataanik pissapput. Uani anguniarneqarpoq takutissallugu nerineq qanoq pingaaruteqartiginersoq timikkut tarnikkullu peqqissuussagaanni.

  • Ukiumut missingersuut aallaavigalugu qaammammut aningaasartuutissanik pilersaarusiorneq.

  • Nerisanut aningaasartuutinik aqutsisumut tullersortimullu qaammatikkaartumik ilisimatitsisarnissaq.

  • Suleqatit isumasioqatigalugit nersassanik pilersaarusiorneq.

  • Sulinngitsoortoqarsimatillugu igaffimmi ullormut suliassat pilersaarusiornissaat.

  • Igaffimmi eqqiagassat suunerinik pilersaarusiorneq, soorlu sikaaviit toqqorsivit, nillataartitsiviit, qerititsiviit, kissarsuutit, ilitsiviit, nerriviit, qulliit, igalaat il.il. taamasilluni takussutissaqarniassammat ullormut, sapaatip akunneranut, qaammammut eqqiagassat suunerinik.

  • Toqqorsiviit aammalu eqqiaanermut tunngasunik “Nammineq nakkutigisamik pilersaarut”-mi malinninnissaq naammasinissaalu.

  • Suliffeqarfiup iluani suliassaasinnaasunik allanik tigusinnissinnaaneq soorlu eqqiaanermut tunngasut, imaluunniit meeqqanik nakkutilleeqataanissamut tunngasunik.

  • Ukiup ingerlanerani qaammatikkaartumik sulisut ataatsimiinnerini allatigullu aaqqissuussinerni peqataanissaq.

  • Illoqarfimmi suliffeqarfiit peqatigalugit igaffimmi sulisut ataatsimiinneranni peqataanissaq.

Sulisunut piumasaqaatit: 

  • Igasup ikiortaatut imaluunniit inuussutissalerinermi ikiortitut ilinniarsimaneq.

  • Pilersaarusiamik ingerlatsisinnaanermik misilittagalik taamatullu peqqinnartunik tamatigoortunillu nerisassiorsinnaassusilik.

  • Akisussaassusermik pingaartitsisoq, eqeersimaartoq pimoorussisorlu. Tamanut takunnissinnaassusilik sungiussiasorlu. Suleqatigiuminartoq, ilakkuminartoq tamatigoortorlu. Timikkut tarnikkullu peqqissoq. Peqqinnartunik nerisassioriaatsinik takorluuisinnaasoq nutaaliorsinnaasorlu.

Atorfeqarnermi atugassat:  

Naalakkersuisut kattuffiullu isumaqatiginninniarsinnaatitaasutut akuerisap akornanni isumaqatigiissutaat naapertorlugu atorfinititsisoqassaaq.

Atorfik inissaqartitsinngilaq.

Naammaginartumik pinerliisimannginnermik uppernarsaat atorfininnissamut piumasaqaataavoq, taakku atorfinittussap atsiorluni akuerinerata kingorna atorfinititsisussamit naalagaaffiup politiivinut pissarsiarineqassapput.


Attaveqarfissat: 

Atorfik pillugu paasissutissat itinerusut Meeqqerivik Arnarsiami aqutsisumut, Else Hansen-imut, oqarasuaat 58 81 70 imaluunniit mailimut: ilu_Arnarsiaq@avannaata.gl –mut saaffiginnilluni pissarisiarineqarsinnaapput.


Qinnuteqarfissaq kingulleq: 

Qinnuteqaat ilinniarsimanermik siusinnerusukkullu suliffigisimasanik paasissutissartalik/ siusinnerusukkut suliffigisimasamit oqaaseqaatitallit kiisalu pinerliisimannginnermik uppernarsaammik ilalerlugu kingusinnerpaamik 23. september 2018-imi uunga nassiunneqassaaq:


Qinnuteqarfissaq: 

Avannaata Kommunia
Att: Sulisoqarnermut immikkoortortaqarfik
Postboks 1023
3952 Ilulissat
Mail:
hr@avannaata.gl