MISI Avannaanut tarnip pissusaanik ilisimasalik

Maanna suliatigut unammillernartunik nutaanik misigisaqarsinnaanngorputit!
Qinnuteqarfissaq:
16. september 2018
Sumi:
Ilulissat
Akissarsiat:
Isumaqatigiissutit malillugit

Avannaata Kommuniani Ilulissani MISI Avannaanut tarnip pissusaanik ilisimasalimmik pissarsiorpoq 

MISI Avannaa perorsaaniutitigut tarnillu pissusaatigut siunnersuinernut nunarsuarmi kommunet avannarpasinnersaanni, Avanaata Kommuniani akisussaavoq. Iluliumanersuup ilaani Ilulissani, kangerluup tusaamasaaqisup paavani angerlarsimaffeqarluta.

MISI Avannaani atuarfeqarfinnit ulluuneranilu paaqqinnittarfinnit suliakkiutit tigoorarneqartarput Avannaata Kommunia tamakkerlugu.

Ilulissat neqeroorpoq pinngortitarsuarmik ajasoornartumi pisunnissanut, imaatigut angalaarnissanut, qimmeqarnissamut, sisorarsinnaanissamut, piniarsinnaanermut, aalisarsinnaanermullu il.il. aammalu illoqarfiulluni muteerniusoq kulturikkut sunngiffikkullu tamalaanik neqeroorutilik.

Neqeroorutigaarput 

Uagut neqeroortigaarput suliffik unamminartoq, tamatigoortoq kiisalu pissanganartoq inuttut suliatigullu ineriartornissamut periarfissaqarluartoq. MISI Avannaa suliffeqarfiuvoq ingerlalluartoq allaffissornikkut ataqatigiiffiulluartoq. Aamma atorfiup nassatarai atorfilittut angalanerit umiarsuakkut timmisartukkut qullimiguulikkullu kommunemi illoqarfiit nunaqarfiillu angalaffiginerini.

Ujartugarput 

Ujartorparput psykologeq akuerisaq ukiuni arlalinni meeqqanik immikkut pisariaqartitsisunik sullis-sinermi misilittagaqarluartoq. Qinnuteqartup eqqortup suliffik pissanganartoq aalajangersimasumik periuseqareersoq, kalaallit oqaasiinik kulturiannillu aallaaveqartoq iserfigissavaa aamma:

  • ilisimatusarnikkut nutaajunerusunut perosaanikkut/tarnip pissusiitigut isumalioqqutinik ilisimasaqartuussaaq
  • ukiuni arlaqartuni meeqqanik immikkut pisariaqartitsisunik sullissinikkut misilittagaqartoq
  • eqiingalluartoq ineriartortitsinissamillu pingaartitsisoq
  • meeqqanut inuusuttuaqqanullu perorsaaniutinik tarnillu pissusiinik ilisimasalik
  • tatitooq namminersorlunilu eqaatsumik sulisinnaasoq sulianut tamalaarpassuarnut sammivilinnut

Akissarsiat atorfeqarnermilu atugassarititaasut 

Atorfinititsineq pissaaq Isumaqatigiissut 27. august 2014-meersoq, Naalakkersuisut aamma Ilinniartitsisut Meeqqat Atuarfianneersut Kattuffiat, IMAK Kalaallit Nunaanni meeqqat atuarfiini ilinniartitsisunut il.il. isumaqatigiissutaasoq naapertorlugu.

Qinnuteqartunut tjenestemand-itut atorfeqareersunut, atorfeqarneq taamatut ingerlaannassaaq.

 

Sulisunut inissamik innersuussisoqassaaq, tassunga attartortutut akiliinerit, qularnaveeqqutit il.il. maleruagassat atuuttut malillugit akiliisoqartassaaq.

 

Kissaatigineqarpoq atorfik 1. oktober 2018 inuttalerneqassasoq isumaqatigiissusiornikkulluunniit.

Paasissutissat 

Atorfik pillugu paasisaqarnerorusukkuit taava immikkut atuartitsinermi siunnersorti, Arnarulúnguak Pedersen, arpe@avannaata.gl, attavigiuk imaluunniit Ineriartortitsinermut Immikkoortortami pisortaq Hans Eriksen, hae@avannaata.gl.


Qinnuteqarfissaq kingulleq 

Ulloq qinnuteqarfissaq kingulleq tassaavoq 16.september 2018. Qinnuteqaat tapiliussatullu ilanngussat attuumassuteqartut sulisoqarnermut allaffimmut nassiunneqassapput.

Qinnuteqaat uunga nassiunneqassaaq 

Avannaata Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@avannaata.gl