Ilulissani inunnik isumaginnittoqarfik utoqqalinersiallit siusinaartumillu sulisinnaajunnaarnersiutillit pillugit sullissisussarsiorpoq

Avannaata Kommunia Ilulissani inunnik isumaginnittoqarfik utoqqalinersiallit siusinaartumillu sulisinnaajunnaarnersiutisiallit pillugit sullissisussamik pissarsiorpoq 1. oktober 2018 imaluunniit isumaqatigiissuteqarnikkut sulilersussamik.
Qinnuteqarfissaq:
26. september 2018
Sumi:
Ilulissat
Akissarsiat:
Isumaqatigiissutit malillugit

Suliassat ilaatigut makkuussapput: 

  • Siusinaartumik ukioqqortusillutillu utoqqalinersialinnut aningaasatigut tamakkiisumik siunnersuineq.

  • Utoqqalinersiaqalersunik allatsitsineq akileraartarnermullu isertitassanik naatsorsuutigisat tunuliaqutaralugit utoqqalinersiassaat naatsorsorlugit taavalu aaqqiissutaaratarsinnaasut.

  • Ukiumi isertitaqarfiusoq kingulleq akileraartarnikkut isertitat tunngavigalugit 1. januar tamatigut utoqqalinersiat tunngaviusumik tunniunneqartussat aaqqiiviginissaat isumagalugit.

  • Ukioqqortusilluni utoqqalinersiallit aningaasaqarnikkut inissisimanerat pillugu ataasiakkaamik nalilersuinerit inuttut tapiissutit annertuumik aningaasartuutaasussat eqqarsaatigalugit peqqissutsimut pisariaqartitsinikkut, isarussanik pissarsiaqarusunnikkut taavalu inuuniarnermut ikiorsiissutinik perusunnikkut.

  • Nuussimaneq imaluunniit toqusimaneq peqqutaalluni utoqqalinersiallit tunniuttarunnaarneri pillugit aalajangiineq. Siusinaartumik utoqqalinersiallit atorunnaarsinnissaannut qinnuteqaatit suliaralugit.

  • Utoqqalinersialinnut tunngasut pillugit kisitsisinngortinnerinut suleqataaneq.

  • Utoqqalinersialinnut tunngasut pillugit naammagittaalliutit suliarineri sukkasuumik ingerlannessaannut suleqataaneq, tamatumani paasissutissanik tapiliussassanillu sukumiinerusunik nassiussuinerit.

Atorfiup akisussaaffii: 

  • Utoqqalinersialinniit qinnuteqaatit (ukioqqortusilluni siusinaartumillu utoqqalinersialinni) suleqatigiit ataatsimiittarnerannut inassutigalugit utoqqalinersiallillu pillugit suleqatigiit ataatsimiinneranni aaliangiussat suliaralugit.

  • Utoqqalinersialinni tunngasut aningaasanik tunniussinerit tamarmik ataavartumik ilisimatitsissutigalugit (pingaartumik utoqqalinersiaqaleqqammersussat, utoqqalinersiat aaqqiivigineqarnerinut taavalu inuttut tapiissutinut atatillugu) illoqarfinni nunaqarfinnilu; utoqqalinersiallit amerlassusaat kisitsisinngorlugit saqqummiullugit

  • Siusinaartumik utoqqalinersiallit aningaasanik tunineqarnerisa allaffissornikkut ingerlanneqarneri pillugit ataavartumik ilisimatitsissutigisarlugit (ullut 14-ikkaarlugit tunniussisarnerit, ullut 7-ikkaarlugit tunniussisarnerit assigisaalu)

  • Utoqqaat pillugit suliffeqarfinnik utoqqaallu peqatigiiffiinik suleqatiginninneq pillugu ataavartumik ilisimatitsissutigisarlugu (tamatuma ataani utoqqaat ataatsimiititaat)

  • Utoqqaat pillugit naammagittaalliuutit ataavartumik killiffilersortarlugit

 

Tamatumalu saniatigut atorfik pillugu akisussaaffiit atorfiullu allaatiginninneranut innersuussisoqassaaq, ilaatigut isumaginnittoqarfiup allaffiani immikkoortortaqarfiup pisortaanut saaffiginninnikkut paasissutissanik pisoqarsinnaammat.

Piginnaasariaqakkat: 

  • Kissaatigaarput atorfinittussaq isumaginninnermi siunnersortaassasoq, siunnersortitut ikiorti, allaffimmiutut ilinniarsimasoq isumaginninnerup iluani suliatigut pikkorissarnermik naammassinnissimasoq imaluunniit isumaginninnermi ikiortitut ilinniagalik isumaginninnerup iluani suliatigut pikkorissarnermik naammassinnissimasoq.

  • Aningaasatigut sullissinerup iluani imaluunniit isumaginninnerup iluani sulinermik misilittagalik, ilaatigut Winformatikkimik atuisinnaasoq.

  • Tulleriissaarisinnaaneq, tatiginassuseq, tunniusimaneq akisussaassuseqarnerlu.

  • Maligassiuisinnaaneq

  • Sullissanik attaveqarsinnaaneq oqaloqateqarsinnaanerlu

  • Tarnikkut nukittuneq

Akissarsiaqartitsineq atorfinitsitsinerlu: 

Akissarsiaqartitsineq atorfinitsitsinerlu pissapput kattuffimmut isumaqatigiinninniarsinnaa-titaasumut isumaqatigiissutit sukkulluunnit atuuttut naapertorlugit.

 

Atorfimmut atatillu inissaqartitsisoqarpoq.

 

Naammaginartumik pinerlussimannginnermut uppernarsaat aamma meeqqanik pinerliisimannginnermik uppernarsaat atorfininnissamut piumasaqaataavoq. Taakku atorfinittussap atsiorluni akuersinerata kingorna atorfinititsisussamit Naalagaaffiup politiivinut (Rigspolitiet) pissarsiarineqassapput.

Paasissutissat: 

Atorfik pillugu paasissutissat annertunerusut Immikkoortortaqarfimmi pisortamut, Pia Tina Lange ptl@avannaata.gl imaluunniit oqarasuaatikkut: 38 75 61 saaffigineratigut pineqarsinnaapput.

Kingusinnerpaamik qinnuteqarfissaq 

Qinnuteqaat ilinniarsimaneq suliffigisimasallu pillugit paasissutissat, ilinniarsimanermut up-pernarsaat il.il. ilanngullugit Sulisoqarnermut Immikkoortortaqarfimmut kingusinnerpaamik 26. september 2018

Qinnuteqaatit uunnga nassiunneqassapput 

Avannaata Kommunia

Sulisoqarnermut immikkoortortaqarfik

Postboks 1023

3952 Ilulissat

Imaluunnit qarasaasiakkut: E-mail: hr@avannaata.gl