Atuarfik Edvard Kruse-mi ilinniartitsisussarsiorput

Avannaata Kommunia Atuarfik Edvard Kruse Uummannaq ilinniartitsisussarsiorpoq, 1-2 ilinniartitsisut atorfimmut tingusaasinnaapput 1. Januar 2019 atuutilersussamik imaluuniit isumaqatigiinnikkut.
Ilinniartitsisunik tuluttut, qallunaatut fysikkimi matematikkimilu ilinniartitsisinnaasunik.
Qinnuteqarfissaq:
28. november 2018
Sumi:
Uummannaq
Akissarsiat:
isumaqatigiissutit malillugit

Atuarfik Edvard Kruse Uummannami ilinniartitsisussarsiorput 

Paasissutissat annertunerusut ukununnga saaffiginnilluni pineqarsinnaapput: Atuarfiup Pisortaanut Lars Fleischer  tlf: +299 95 45 39 / 95 44 52 imaluunniit atuarfiup pisortaata tullersortaanut Tim Arnoldi tlf: +299 95 45 40 / 95 44 52

Kingusinnerpaamik qinnuterfissaq: 

Qinnuteqaat kingusinnerpaamik 28. november. 2018 nassiunneqassooq uunga: E-mail: tiar@avannaata.gl, allakkatigulluuniit: Atuarfik Edvard Kruse, Postboks 193, 3961 Uummannaq.

Qinnuteqaat makkuninnga paasissutissanik imalik: Ilinniagaqarnermut uppernarsaat, siusinnerusukkut  suliffigisimasat, soraarummeersimanermi uppernarsaatit il.il., qinnuteqarfissap killissarititaa tikitsinnagu Atuarfik Edvard Kruse-meeriissapput.

akissarsiat atorfininnermullu atugassaritittaasut: 

Atorfinitsitaaneq pissaaq Kalaallit Nunaanni Naalakkersuisut aamma Ilinniartitsisut Meeqqat Atuarfianneersut Kattuffiata, IMAK-ip isumaqatigiissutaat naapertorlugu. Qinnuteqartut, Kalaallit Nunaanni tjenestemand-itut atorfillit, atorfinitsinneqarnerminni pigiinnassuaat.

 

Akissaatit atorfinitsitaanermillu pissutsit, taakkununnga ilaallutik atorfininnermi angalaneq pequtaanillu tikisitsinermi pisinnaatitaaffiat pissooq Kalaallit Nunaanni Naalakkersuisut aamma Ilinniartitsisut Meeqqat Atuarfianneersut Kattuffiata, IMAK-ip isumaqatigiissutaat tunngavigalugu.

 

Atorfinitsitaaneq aamma pisinnaavoq ”Ukiunut aalajangersimasunut immikkut atugassaqartitaalluni” Kalaallit Nunaanni Namminersorlutik Oqartussat aamma IMAK-ip isumaqatigiissutaat naapertorlugu, aammattaaq 1. april 1991-imi tunngaviusumik ukiumut  18. 000 kr-nik  aningaasartaliivigineqarsimasut,

1. april 2012-mi 19.818,29 kr-nngorsimasut. Tunuarnermi tunniunneqartarput kiisalu atorfeqartumut ilaqutaanullu ukiukkaartumik sulinngiffeqarnermi angalanermi  akiliunneqartarlutik.

 

Inissaqartitsisoqassooq, maleruagassallu naapertorlugit akiliisarneq pissooq.

 

Inatsisit malillugit piumasaqaataavoq, meeqqanik pinerlissimannginnermi aammalu pinerlissimannginnermi uppernarsaammik aallertoqarnissaa.