Uummannami utoqqaat illuanni Sorlaqarfiit-ni pisortaq

Avannaata Kommuniani Uummannami, utoqqaat illuanni pisortatut atorfik inuttassarsiorneqarpoq 1. december 2018 imaluunniit isumaqatigiissuteqarnikkut atorfinittussamik.
Atorfik Uummannami inissisimavoq tassanilu utoqqarnut ineqartunut sulisunullu akisussaaffeqassalluni.
Qinnuteqarfissaq:
18. november 2018
Sumi:
Uummannaq
Akissarsiat:
Isumaqatigiissutit malillugit

Suleqatinut qaninnerpaanut akisussaaffiit ilaatigut makkuussapput: 

  • Utoqqaat angerlarsimaffiannut attuumassuteqartunut tamanut atatillugu immikkoortortaqarfimmi pisortap ilisimatinneqarlunilu malinnaatinneqarnissaa qulakkeerlugu.

  • Utoqqaat angerlarsimaffianni ajornartoriuteqartoqartillugu aaqqiissutissamik suliaqartoqarnissaanik qulakkeerinninneq.

  • Utoqqaat angerlarsimaffianni ineqartunik, taakkulu qaniginerpaasaannik, ingammik ineqartut atugarissaarnissaat eqqarsaatigalugu ataavartumik attaveqarneq.

  • Utoqqaat angerlarsimaffianni sulisunik ataatsimeeqateqartarnerup imarisaanik ataavartumik ilisimatitsisarneq kiisalu kommunip politikkikkut anguniagai pillugit kiisalu allaffissornikkut aqutsisuiniit akissuteqaatit utoqqaat angerlarsimaffianni sulisunut ingerlateqqinneqatarneri.

  • Utoqqarnik sullissinermut attuumassuteqartunut kommunip immikkoortortaqarfiini allani sulisunik suleqateqarneq (angerlarsimaffimmi ikiorteqarneq, innarluutilinnik sullissineq  kiisalu aningaasaqarnikkut sullissisut) kiisalu ilinniagaqassuseq akimorlugu avataaneersunik suleqatinik, matumani immikkoortortaqqarfimmi pisortamik akuttunngitsumik ataasimeeqarnerit ilangullugit ataataavartumik paasissutissiissuteqarneq.

  • Utoqqaat angerlarsimaffianni aningaasartuutit pillugit killiffimmik paasissutissiineq kiisalu utoqqarnik sullissinermi naatsorsuutinik (kisitsisinik), matumani akuttunngitsumik nalunaarusiornerit ilanngullugit ataavartumik paasissutissiineq.

  • Najugaqartunut atugassiissutinut kiisalu kaasarfimmiuinut tunngassutilinnut ajornartorsiutaasinnaasut pingaarnerpaat pillugit ataavartumik ilisimatitsisarneq aamma jornartorsiutit qanoq aaqqinneqarsimanersut paasissutissiissutigalugu.

  • Utoqaat angerlarsimaffianni isumassorneqarneq, paaqqutarinninneq kiisalu sammisaqartitsinerit pillugit naammagittaalliuutinik tamanik ataavartumik ilisimatitsissutigalugit taakkulu immioortortaqarfimmi pisortaq kiisalu kommunimi sulisut attuumassutillit suleqatigalugit sapinngisamik sukkanerpaamik aaqqinneqarnissaat isumagalugu.

  • Najugaqartut akornanni pinartumik napparsimasoqartillugu, tassanngaannaq pisoqartillugu assigisaannillu pisoqartillugu pingaartoq atorneqartassaaq aamma najukkami isumaginnittoqarfiup immikkoortortaanut pisortamit siumoortumik sukkulluunniit allakkatigut akuerineqareeruni tunngavilersukkamik inassutigineqarsinnaavoq amerlanerpaamik qaammammut ataasiarluni.

Piginnaasat: 

  • Peqqinnissaqarfimmi annertusisamik ilinniartitaaneq – (Peqqissaasoq, timimik sungiusaasoq, pillorissaasoq) imaluunniit sundhedsassistent-itut ilinniagaqarneq kiisalu AQUTSISOQ-miit allaffissornikkut ilinniagaqarneq.

  • Atuagarsorluni pisortatut ilinniagaqarneq.

  • Utoqqarnik imaluunniit innarluutilinnik sullissinermik misilittagaqarneq.

  • Pisortatut sulinermik misilittagaqarneq

  • Eqqarsartaatsikkut patajaassuseq

  • Inuit allat misigissusaannik paasinnissinnaaneq

  • Ilinniagaqassuseq akimorlugu suleqatigiissinnaassuseqarneq.

Akissarsiat atorfeqarnikkullu atugassarititat: 

Atorfininnermi atugassarititaasut Naalakkersuisut kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.

 

Atorfimmut atatillugu inissaqartitsisoqanngilaq.

Paasissutissat: 

Paasisutissat aaneqarsinnaapput saaffiginninnermi, Utoqqaat illuanni Sorlaqarfiit-ni Ilaqutareeqarnermut immikkoortortaqarfimmi aqutsisumut, Gerda Fleischer , oqarsuaat +299 387821, imaluunniit e-mailikkut gefl@avannaata.gl  -imut.

Kingusinnerpaamik qinnuteqarfissaq: 

Qinnuteqaat ilinniarsimanermut pappilissat, CV, oqaaseqaatit, paasiniaavigineqarsinnaasut il.il ilanngullugit sulisoqarnermut apuutereersimassapput Kingusinnerpaamik november 18-ani 2018.

Qinnuteqaatit uunga nassiunneqassapput:  

Avannaata Kommunia

Sulisoqarnermut immikkoortortaqarfik

Postboks 1023

3952 Ilulissat

 

imaluunniit e-mailimut: hr@avannaata.gl