Avatagiisinik sullissisoq Uummannami

Avannaata Kommuniani Uummannami, atorfik Avatagiisinut sullissisoq 1. januar 2019 imaluunniit isumaqatigiinnikkut inuttassarsiunneqarpoq.
Qinnuteqarfissaq:
20. december 2018
Sumi:
Uummannaq
Akissarsiat:
Isumaqatigiissutit malillugit

Avatagiisinik sullissisoq Uummannami 

Avannaata Kommuniani Uummannami, atorfik Avatagiisinut sullissisoq 1. januar 2019 imaluunniit isumaqatigiinnikkut inuttassarsiunneqarpoq.

 

Avatagiisinik sullissisup qaninnertut qullersarissavaa Peqqinneq Sunngiffimmilu aqutsisoq.


Atorfimmut atatillugu suliassaqarfiussapput: 

  • Uummannaq nunaqarfiilu avatagiisinik sullissinermi, siusinaarluni pitsaaliuinermi, peqqinnerup sunngiffiullu ineriartortinneqarnerani suleqataaneq.

  • Suliniutinik immikkoortiterineq pingaarnersiuinerlu.

  • Kommunimi Ingerlatsivinnik, Namminersorlutik Oqartussanik susassaqartunillu allanik suleqateqarluni attaveqarlunilu iliuusissanik pilersaarusiorneq.

  • Uummannaq nunaqarfiinilu piffinni sumiikkaluartuni avatagisinik sullissinermi, siusinaarluni pitsaaliuinermi, peqqissutsikkut sunngiffimmilu iliuutsit pitsanngorsarneqarnissaannut suliniutinik ingerlatsineq.

  • Kommunemit anguniarneqartussatut siunertanik siunniunneqartunik ingerlatsineq.

  • Ingerlatsivimmi suliassat allat suliarineqarneranni suleqataaneq.

  • Kommunip iluani najukkami avatangiisinut illoqarfimmulluunniit allamut meeqqat inuusuttullu pisariaqartitai aallaavigalugit angalatitsisassaaq.

  • Piffissaq suliffiusartoq nikerarsinnaasassasoq ilimagissavaa, innuttaasut qaqugukkut pisariaqartitsinerinik naliliisoqartuaannartoqartariaqarmat.

  • Avatagiisinik sullissinermi pisariaqartitsineq naapertorlugu Peqqinneq Sunngiffillu, peqqinnissaqarfik, politiit, suliffeqarfiillu allat suleqatigisassavai.

Immikkut piumasaqaatit: 

  • Siunertamut naapertuuttumik ilinniagaqarsimanissaq.

  • Siunertamut attuumassuteqartut aammalu allaffissornermi ingerlaatsinik ilisimasaqarneq, IT-mik naliginnaasumik atuisinnaaneq.

  • Nammineersinnaassuseqarneq, susassaqarfiit akimorlugit suleqateqarsinnaassuseqartuuneq, tunuarsimaartuunnginneq, suleqatikkuminartuuneq, naapertuilluartuuneq, nammineersinnaassuseqarluartuuneq, akisussaassuseqarluartuuneq, suleriallaqqissuuneq, suliassarsiullaqqissuseq, nunatsinni inuiaqatigiit ingerlaasaannik ilisimasaqarneq.

Atorfinitsitsineq akissarsiaqartitsinerlu: 

Atorfininnermi atugassarititaasut Naalakkersuisut kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.

 

Atorfimmut atatillugu inissaqartitsisoqanngilaq.

 

Pinerlussimannginnermut uppernarsaatit, meeqqanullu pinerliisimannginnermut uppernarsaatit naammaginartut tunngavigalugit atorfinitsitaaneq pissaaq, taakkulu qinnuteqartup akuersineratigut Rigspolitiinit sulisitsisumiit piumaneqassapput.


Paasissutissat annertunerusut: 

Paasissutissat annertunerusut Peqqinneq Sunngiffimmilu aqutsisumut Jonna Trolle Qvist-imut pissarsiarineqarsinnaapput email:  joqv@avannaata.gl  imaluunnit oqarasuaat +299 38 78 38


Qinnuteqaat: 

Qinnuteqaat ilinniarsimanermut allagartat, siorngatigut atorfigisimasamut uppernarsaatit, kiisalu soraarummeersimanermut uppernarsaatit assilineqarneri ilanngullugit tunniunneqarsimassaaq sulisoqarnermut immikkoortortaqarfimmut kingusinnerpaamik 20. december 2018, uunga nassiunneqassapput.:

 

 

Avannaata Kommunia

Sulisoqarnermut immikkoortortaqarfik

Postboks 1023

3952 Ilulissat

 

E-mail: hr@avannaata.gl