Ilulissani Atuarfik Jørgen Brønlund aamma Atuarfik Mathias Storch, inunnik isumaginninnermut siunnersortimik pissarsiorput

Meeqqanik, inuusuttunik taakkulu ilaqutaannik atugarliortunik sullissinissamut kajumissuseq pigigukku illiuvoq inunnik isumaginninnermut siunnersortigiligassarput nutaaq. Immikkoortortaq nutaajuvoq aallarnisarneqaleruttorlunilu, Ilulissani meeqqanut inuusuttunullu ernunamartumik atugaqartunut ineriartortunullu kiisalu sanngiinnerusunut eqqugaasimasunullu sammititamik siusinaartumik aamma pinaveersaartitsiniarnermik suliniuteqarnerup patajaallisarneqarneratut oqaatigineqarsinnaalluni. Inunnik isumaginninnermut siunnersorti Ilaqutareeqarnermut ingerlatsivimmut upalungaarsimasutut atuutissaaq atuarfillu suleqatigalugu atuartunut inuttut imaluunniit pissusilersortarnikkut ajornartorsiuteqartunut tapersersuinermik pisariaqartinneqartumik kiisalu sapinngisamik siusissukkut taakku ilaqutaasa neqeroorfigineqarnissaannik qularnaarinnittussaalluni.
Qinnuteqarfissaq:
14. januar 2019
Sumi:
Ilulissat
Akissarsiat:
Isumaqatigiissutit malillugit

Inunnik isumaginninnermut siunnersorti 

Atorfik tassaavoq atorfik tamakkiisuusumik suliffiusoq atuarfiillu marluusut akornanni atorfik avitaasoq. Atuarfik Jørgen Brønlundimi atuarfiup pisortaanut attaveqartassaatit. Atuarfik Jørgen Brønlundimi aamma Atuarfik Mathias Storchimi atuartut akornanni atugarissaarnerup, ataqatigiinnerup ataatsimooqatigiinnerullu annertusarnerinut peqataassaatit.

Atuarfik Jørgen Brønlund tassaavoq meeqqat atuarfiat 319-inik atuartoqartoq, 1.-10. klassenut agguataarsimasunik. Atuarfimmi ilinniartitsisut 38-upput, atuarfiup pisortaanut tullersorti ataaseq kiisalu atuarfiup pisortaa ataaseq.

Atuarfik Mathias Storch tassaavoq meeqqat atuarfiat 289-inik atuartoqartoq, 1.-10. klassenut agguataarsimasunik. Atuarfimmi ilinniartitsisut 51-iuppput, atuarfiup pisortaanut tullersorti ataaseq kiisalu atuarfiup pisortaa ataaseq.

Immikkoortortap ataatsip, piffissami aallarnisarfimmiittup ineriartorfiusullu, ilarilissagaatit Avannaata Kommuniata neqeroorutigaa. Atuarfinni marluusuni suleqatit eqeersimaarluartut pigineqarput aamma sulineq tatigeqatigiiffiusumik ingerlavoq. Atuarfimmi inunnik isumaginninnermut siunnersortitut nutaatut, sunniuteqaqataanissamut periarfissaqassaatit misigisassarpassuaqassallutillu

Naatsorsuutigaarput illit: 

  • Inunnik isumaginninnermi siunnersortitut ilinniagaqarsimasutit imaluunniit inunnik isumaginnermik suliaqarnermi siunnersuisuusutit imaluunniit inunnik isumaginninnermik suliaqarnerup iluani ingerlaqqiffiusumik pisariaqartumik ilinniagaqarsimasutit/pikkorissarsimasutit.

  • Inunnik isumaginninnermi siunnersortitut suliaqartutut aamma sulianik suliarinnittartut suliaannik atuuffiannillu misilittagaqarluartutit. Ataatsimut isigalugu, meeqqat tapersersorneqarnissaat pillugu Inatsisartut inatsisaannik, atuarfeqarnerup ingerlanneqarneranik ilisimasaqartutit aamma/imaluunniit allatut inunnik isumaginninnermik suliaqartutut misilittagaqartutit.

  • Suleqatigiinni sulisinnaasutit, suleqatiginninnissamut piginnaasaqarluartutit, allanillu akuutitsisinnaasutit.

  • Attaveqarnissamut ilitsersuussinissamullu pikkorissuusutit.

  • Meeqqanut inuusuttunulluu attaveqarnermik pitsaasumik pilersitsisinnaassuseqartutit.

  • Namminersorlutit sulisinnaasutit, suliassat aaqqissuunnissaannut, ataqatigiissaarnissaannut, pilersaarusiornissaannut malitseqartinneqarnissaannullu pikkorissuusutit.

  • Oqaatsinik marluuusunik atuisinnaasut (kalaallisut/qallunaatut) qinnuteqartut salliutinneqassapput

Suliassatit ilaatigut makkuussapput: 

  • Siusissukkut suliniuteqarnermik tunniussineq, taamaaliornikkut ajornartorsiutit annertusinnginninniassammata.

  • Ilaqutariit aamma ilaqutareeqarnermut ingerlatsiviup akornanni oqaloqatigiittarnermik siuarsaaneq.

  • Atuartup inuttut atugarissaanera ineriartorneralu pillugit ernummatinik peqartoqaleraangat, inuit imminnut paaseqatigiissinnaanerannik aamma ilaqutariit atuarfiullu akornanni oqaloqatigiittarnermik siuarsaaneq.

  • Atuarfimmi atuartumut tunngatillugu nalunaarutiginninnerit aamma atuarfimmi oqaaseqaatit suliarineqartussaatillugit, meeqqat inuusuttullu pillugit suliaqarfiup atuarfiillu akornanni oqaloqatigiittarnerup ingerlanneqartarneranik tapersersuineq qulakkeerinninnerlu.

  • Tapersersuinermi iliuuserineqartartut, atuarfiup nalinginnaasumik atortagai, aqqutigalugit ajornartorsiutit pitsaanerulersitsinneqarsinnaanngikkaangata, atuartut atugarissaarnikkut ineriartornikkullu ernumanartoqartut pillugit nalunaarutiginninnernik atorluarneqarsinnaasunik suliarinnittarnermi, atuarfinnut tapersersuineq.

    Atorfik pillugut paasisaqarnerorusukkuit taava Atuarfeqarfinnut MISI Avannaanullu Fagchef Aka Grønvold attavigiuk, oqarasuaat: 38 77 41. E-mail: akgr@avaannata.gl

Pinerluuteqarsimanermut aamma meeqqanik innarliisimannginnermut uppernarsaat 

Atorfik una, pinerluuteqarsimanermut aamma meeqqanik innarliisimannginnermut uppernarsaammik pissarsiniarsinnaanermik pisussaaffeqarneq pillugu inatsimmut ilaavoq. Inatsit naapertorlugu, pinerluuteqarsimanermut aamma meeqqanik innarliisimannginnermut uppernarsaammik naammaginartumik kommuni tigusaqarsimatillugu, atortitsitsinissaq aatsaat aallartitsinnaavoq. Taamaattumik maluginiaqqussavarput, piffissaq atorfimmut ivertinneqarfiusussaq aatsat isumaqatigiissutigineqarsinnaammat, rigspolitiiniit meeqqanik innarliisimannginnermut uppernarsaat kiisalu politiiniit pinerluuteqarsimanermut uppernarsaat kommunimiit tiguneqareernerisa kingorna.

Meeqqanik innarliisimannginnermut uppernarsaat, pineqartumit akuersissummik pereernermi kommunimit pissarsiariniarneqartussaavoq, pinerluuteqarsinermulli uppernarsaat politiiniit pineqartup nammineq pissarsiariniartussaavaa.

Akissarsiat aamma atorfininnermi atugassarititaasut 

Akissarsiat aamma atorfininnermi atugassarititaasut, Kalaallit Nunaanni Namminersorlutik Oqartussat imaluunniit kattuffiup allap isumaqatiginninniarsinnaasup akornanni isumaqatigiissutaasut malillugit pissapput.

Atorfiup inuttalerneqarnissaa kissaatingaarput 1. marts 2019, imaluunniit isumaqatigiissuteqarnikkut.

Sulisunut inissamik innersuussisoqassaaq, tassunga attartortutut akiliinerit, qularnaveqqutit il.il. maleruagassat atuuttut malillugit akiliisoqartassaaq.

Qinnuteqarneq  

Qinnuteqaat, ilinniarsimanermut siusinnerusukkullu suliffigisimasanut paasissutissaneq ilaqartoq, soraarummeernermi pappiaqqat nuutinneranik il.il. ilaqartillugu, Sulisoqarnermut immikkoortortamut tunniunneqassaaq kingusinnerpaamik 14. januar 2019

Qinnuteqaat ilinniarsimanermut pappiaqqanik aamma inuttut imminut ilisaritinnermik ilaqartinneqartoq nassiunneqassaaq uunga mail-imut: hr@avannaata.gl

Qinnuteqaatit allakkatigut nassiunneqartut uunga najukkamut nassiunneqassapput:

Avannaata Kommunia
Att.: Sulisoqarnermut immikkoortortaq
Postboks 1023
3952 Ilulissat

Nittartagaq: www.avannaata.gl