Avannaata Kommuniani 2018-imut missangersuutit akuersissutigineqarput

1. december 2017

Avannaata Kommuniani 2018-imut missangersuutit ikaarsaariarnermut ataatsimiititaliamit isumaqatigiittumit akuersissutigineqarput. Akileraarut allanngorani 28 %-iuinnassaaq.

Missangersuutit innuttaasunut tamanut iluaqutaasussanik ilaatigut makkuninnga imaqarput:

  • Nunaqarfinni aqutsisunut aningaasat 2,1 mio atugassiissutigineqarput nunaqarfimmiut tamarmik iluaqutigisinnaasaat
  • Illoqarfinni sumiiffinni ataatsimiititaliaqalerneq 4 miliuuningajannik aningaasartalik illoqarfinni najugaqartunut tamanut iliuuserisinnaasanik nassataqarpoq.
  • Meeqqerivinnut akit akisunerpaamik kr. 1.400 inulissuaat
  • Utoqqalinersiutilinnut sulisinnaajunnaarnersiutilinnullu eqqaanermut atserinermullu tapiisoqarlalissaaq
  • Nammineerluni illuliorniartunut tapiissuteqarnissamut periarfissiivoq
  • Upernavimmi utoqqaat illuliornissamut aningaasaliisoqarpoq
  • Upernavimmi eqqaanilu atuarfinnut nutarterinissamut aningaasaliisoqarpoq
  • Teknikkeqarfiup nukittorsarnissaanut immikkut aningaasaliisoqarpoq

Naqqani inerniliussaq amigartoorfiugaluartoq ukiup naanerani karsimi uninngasuutissat kr. 50 mio missaaniissangatinneqarput.

Ikaarsaarianermi ataatsimiititaliap ataatsimiinnera tamarmi ilaasortanit tamanit isumalluarnermik suleqatigiikkusussutimillu anersaalik ingerlanneqarpoq.

 

Palle Jerimiassen

Ikaarsaariarnermut ataatsimiititaliap siulittaasua / Formand Overgangsudvalget

 

Ilulissat 30.11.2017