Avannaata Kommuniata nalliuttorsiutiginissaa

19. januar 2018

Avannaata Kommuniata 1. Januar 2018 pilersinneqarnera nallittorsiutigisussanngorparput.

Nuannaarutigalugu nalunaarutigissavara Avannaata Kommuniani illoqarfinni nunaqarfinnilu tamani ataatsikkut ulloq tallimanngorneq 26. Januar 2018 innuttaasunit tamanit nalliuttorsiorfigineqartussanngormat.

Maanna sumiiffinni tamani nalliuttorsiornissamik pilersaarusiornerit naammassineqarput.
Pingaarnertut sumiiffinni tamani ulloq nalliuttorsiorfiusoq aallarnerlugu innuttaasunut kaffillertoqassaaq nal. 14:00-16:00 akornani, aammalu tamatuma saniatigut sumiiffinni tamangajalluinnarni unnukkut nuannersumik unnussiuaartoqassamaarluni, pilersaarutit itinerusumik paasisaqarfigerusukkaanni sumiiffigisami nivinngaavinni, kommunip Facebook-iani nittartagaanilu takuneqarsinnaassapput.

Neriuppunga Avannaata Kommuniani innuttaasut ulloq nalliuttorsiorfiusoq nuannersumik puujunaatsumillu atorumaaraat, nalliuttorsiorluarumaartullu.

 

Inussiarnersumik inuulluaqqusillunga

Palle Jerimiassen
Borgmesteri