Tusarniaaneq: Kommunip pilersaarutaata tapiatut nr. 60-tut siunnersuut, Ilulissat

25. januar 2018

Kommunip pilersaarutaanut tapiliussassamut nr. 60-mut siunnersuut, tamanut tusarniutigineqarluni saqqummiunneqassasoq Kommunalbestyrelsi aalajangiinikuuvoq. Kommunimut pilersaarummi tapiliussap siunertaraa qimmeqarfinnik ilusilersuinissaq pilersitsinissarlu taamaaliornikkut qimmussiussisarfittut ingerlatsivissamik pilersitsisoqarnissaa immkk. D02 -p nunaminertaani Sermermiut Aqqutaata eqqaani.

Kommunip pilersaarutaata tapiata siunertaa:
Kommunimut pilersaarummi tapiliussami immikk. (D02.1) -ip immikkoortinneqarneratigut qimusseqarnermut immikkoortortaqarfimmik nappaasoqarsinnaammat. Immikkuualuttunik aalajangersaliuunneqassaaq immikkoortortami taamaalilluni, sanaartugassap inissiffissaa atuuffissaa, saavatungissaalu qulakkeerneqassapput avatangiisinut naleqquttumik. 

Qimmussiussisarfittut ingerlatsivissaq takornarissanut takoqqusaarutaassasoq oqaatigineqassaaq Isfjordcenterissamullu aqquteqarluni taakanilu assut takornarissat ussattarput aamma Sermermiuni. Ilutigalugulu qimmilivittut ingerlatsivissaq qamutit aqqutaannut qanittunnguussaaq Sermermiut Aqqutaatigut kujammut.

Kommmunip pilersaarutaata tapiatut siunnersuut sapaatip akunnerini arfinilinni sivisussuseqartumik tusarniutigineqassaaq. Piffissami tassani kikkulluunniit – innuttaasut, suliffeqarfiit, ingerlatsiviit, peqatigiiffiit allallu – akerliunerminnik, oqaaseqaatinik kiisalu allannguutissatut siunnersuutinik saqqummiussaqarsinnaapput.

Tusarniaanermi akissuteqaatit kommunimut toqqaannartumik kommunimi pilersaarutip nittartagaa atorlugu nassiussinnaavat. Aamma tassani ilanngussassatit kakkiussinnaavatit. Taamaattorli suli akissuteqaatit najukkanni Sullissivimmut imalunniit Kommunimut nassiussinnaavat.

Tamanut saqqummiussinerup ingerlareernerata kingorna, akerliliissutaasimasinnaasut aamma allannguutissatut siunnersuutaasinnaasut Kommunalbestyrelsip oqaluuserissavai, tassanilu kommunip pilersaarutaanut tapiliussaq inaarutaasumik akuerineqassanersoq aalajangiiffigissavaat.

Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 08.03.2018.

KPT60_siunnersuut.pdf