Qimmit kapineqarsimasariaqarput Avannaata Qimussersuanut peqataaniaraanni

29. januar 2018

Qimminut inatsit nutaaq naapertorlungu qimmit tamarmik kapineqarsimasariaqarput, taamaattumik Avannaata Qimussersuanut peqataassangaanni qimmerisat kapitinnissaat qulakkeertariaqarpoq. Qimmit minnerpaamik marloriarlutik akiuussutissamik sukkaniutinnginnermi kapitissimasariaqarput.

Avannaata Kommunia kapuuinissamut suleqataajumavoq, kapuuinissarlu pillungu ima erseqqissaavoq:
Kapuuineq siulleq sumiiffinni assingiinngittuni Avannaata Kommuniani pissooq 29. januarimiit februar aappaata tungaanut. Qimmiutitit kapitinniarukkit sumiiffinni kommune allaffianut saaffinginningit. Siulleqqaammut kapisinermi qimmit nappaataannut parvo virus-imullu akiuiniarluni kapuuisoqassooq.

Kapuuinerup aappaa sapaatip akunnera 9-mi pissooq, qulaanitulli sumiiffimmi kommuni allaffianut saaffinginnittoqassooq, tassanilu qulaani akiuussutissat siulleqqaammut tunniunneqartut nangillungit kapuuisoqassooq kiisalu perlerorneq akiorniarlungu kapuuisoqarluni.

Qimmiutillit tamarmik saaffinginnissapput qimmiutitik akiuussutissamik kapitinniarlungit, uani sukkaniuunniartut kisiamik pineqanngillat. Avannaata Kommuniani qimmiutillit suleqatinginissaannut qilanaarpungut.