Ilulissat: Sanaartorfissat atorneqanngitsut

2. marts 2018

Matumuuna Ilulissani immikkoortortaq A32-imi sanaartorfissat atorneqanngitsut 11-t tamanut saqqummiunneqarput, taakku kinguliiniittuni nunap assinganiittuni sanaartorfissani 11-21-imiittut assigivaat.

Sanaartorfissaq nr. 11-17 illulianut imminnut qanittunut quleriit marluk tikillugit portutigisunut atorneqassaaq. Sanaartorfissaq nr. 18-21 illunut quleriinnut quleriit sisamat tikillugit portutigisunut atorneqassaaq.

Inissiaqarfimmut tunngatillugu, sanaartorfigissaanermut akiliuteqarnermi ileqqoreqqusaq akuerineqarnikuuvoq, imalu paasineqassaaq, immikkoortumi sanaartorfigissaanermut sanaartorfissamut ataatsimut akiliuteqartoqartassasoq.

Ilisimatitsissutigalugu naatsorsuutigaarput sanaartorfissanut taakkununnga nunagissaaneq siusinnerpaamik aallartikkumaartoq 2019-mi.

Sanaartorfissanut atorneqanngitsunut nunaminertamik atugassinneqarnissamik qinnuteqarsinnaavutit una atorlugu NunaGIS imaluunniit kommunip nittartagaani http://www.avannaata.gl.-imi qinnuteqarnermut immersugassaq aalleriarlugu immersorlugulu: Inummit imaluunniit suliffeqarfimmit ataatsimit qinnuteqaat ataasiinnaq immersoqqusaavoq, inuttut ataasiinnartut allassimasussaq aamma inatsisit malillugit ataasiinnarmik atuarneqarsinnaassaaq. Qinnuteqaatit tamarmik pappiliartaat nassiunneqartut aallaavigalugit nalilersorneqarumaarput. Nunaminertaq sanaartorfissaq qinnuteqartunit arlalinnit assigiimmik akuersivigi-neqarsinnaatillugu kommuni akuersissummik tunniussisinnaajumalluni makitsisariaqassaaq.

Qinnuteqaatit tamarmik makkunannga imaqassapput:
1. Sanaartugassap ilusissaatut siunnersuut, sanaartukkap inissisimaffissaanik, isikkussaanik atortullu suut atorlugit sananeqarnissaanik nassuiaatitalik.
2. Sanaartukkap sumut atorneqarnissaanik paasissutissat.
3. Teknikkikkut atortut ikkusuunneqartussat pillugit paasissutissat.
4. Aningaasaqarneq pillugu paasissutissat, qinnuteqaatip piviusunngortitsisinnaaneranik uppernarsaatitut atorneqartoq.

Piffissaliussat aamma suliat pilersaarutaat:
02.03.2018: Ulloq taanna aallarnerfigalugu sanaartorfissani nunaminertamik atuisin-naanermik qinnuteqaatit nassiunneqarsinnaapput.
23.03.2018: Nalunaaqutaq 16:00 nunaminertamik atuisinnaanermik qinnuteqaatit tigooqqarneri siullermeertumik matussapput.
Tamatuma kingorna qaqugukkulluunniit nunaminertamik qinnuteqartoqarsinnaalissaaq sanaartorfissat inuttassaqanngippata.

Ilitsersuut
Siunnersuinerit ilitsersuinerillu pineqarsinnaapput Pilersaarusiornermut immikkoortoqarfimmi telefon 94 78 00 imalt. mail-imut: plan@avannaata.gl –mut.