Qaanaami tuluit oqaasiinik pikkorissarneq

20. marts 2018

Takornariartitsinermik ingerlatsisalersinnaaneq siunertaralugu Qaanaami piniarnermik inuussutissarsiuteqartut aamma takornariartitsinermik aallarnisaanissamik siunertaqartut, takornarissanik sullissisalernissaq siunertaralugu ulluni 1/3 – 12/3 tuluit oqaasiinik pikkorissarnerit, modul 2-3 ingerlanneqarput. Pikkorissarniarlutik nalunaarsimasuni 8-ni 4-at pikkorissarneq naammassillugu ingerlappaat. Pikkorissarsimasut pikkorissarnermi pissarsiarisimasaminnik atuilluarnissaannik kissaappagut.

Ikinngutinnersumik
Inuussutissarsiornermut Ingerlatsivik

Saamerlermiit: Pikkorissaasoq Torben Hansen. Pikkorissarsimasut: Tukummeq Peary, Tuko Oshima, Erik Qaerngaaq & Qillaq-Karl Kristiansen.