Tamanut nalunaaruteqarneq: Nunaminertat inuttaqanngitsut. Ilulissat

10. april 2018

Pisortatigoortumik nalunaaruteqarneq kommunip pilersaarutaanut tapiliussaq nr. 60, sumiiffiup ilaani 1200-D02-mut. Kommunip pilersaarutaanut tapiliussaq inaarutaasumik akuerineqarpoq ulloq 09.04.2018.
Kommunip pilersaarutaanut tapiliussaq pisortatigoortumik nalunaarutigineqarpoq ulloq 09.04.2018, ulloq tassanngaanniik Kommunip pilersaarutaanut tapiliussaq inatsisitigut atuuffeqalissaaq.

Kommunip pilersaarutaata tapiata siunertaa:
Kommunimut pilersaarummi tapiliussami immikk. (D02.1) -ip immikkoortinneqarneratigut qimusseqarnermut immikkoortortaqarfimmik nappaasoqarsinnaammat. Immikkuualuttunik aalajangersaliuunneqassaaq immikkoortortami taamaalilluni, sanaartugassap inissiffissaa atuuffissaa, saavatungissaalu qulakkeerneqassapput avatangiisinut naleqquttumik. 
Qimmussiussisarfittut ingerlatsivissaq takornarissanut takoqqusaarutaassasoq oqaatigineqassaaq Isfjordcenterissamullu aqquteqarluni taakanilu assut takornarissat ussattarput aamma Sermermiuni.
Kommunip pilersaarutaanut tapiliussaq pisortatigoortumik tusarniutaasimavoq sap.akunn.6-ni piffissamilu tassani kinaluunniit innuttaasoq, suliffeqarfik il.il. periarfissaqarsimapput akerliunerminnik, oqaaseqaateqarnissamut aamma allannguuteqarnermut siunnersuuteqarsinnaallutik.

Sanaartorfissat inuttaqanngitsut
Ilanngullugu nalunaarutigineqassaaq, nunaminertanut inuttaqanngitsunut nunaminertamik tunineqarnissamut qinnuteqartoqarsinnaammat (sumiiffiup ilaani D02.1.-mut). Nunaminertaq ussassaarutigineqassaaq inuttaqanngitsutut sap.akunn. 6-ni kommunep pilersaarusiorfigisarneranut aalajangersakkani § 5.3 naapertorlugu, sanaartorfissat inuttaqanngitsut inuussutissarsiorfittut, paaqqinniffittut aammalu teknikkimut siunertalinnut.
Nunaminertaq sanaartorfiusinnaasoq sanaartorfigineqanngitsorli nunaminertamik atuisinnaanermut qinnuteqarfigisinnaavat NunaGIS aqqutigalugu aamma kommunip nittartagaa aqqutigalugu qinnuteqarluni immersugassaq aasinnarlugu immersorneqassaaq, uaniittoq: http://www.avannaata.gl.

Qinnuteqaatit tamarmik makkunannga imaqassapput:
1. Sanaartugassap ilusissaatut siunnersuut, sanaartukkap inissisimaffissaanik, isikkussaanik atortullu suut atorlugit sananeqarnissaanik nassuiaatitalik.
2. Sanaartukkap sumut atorneqarnissaanik paasissutissat.
3. Teknikkikkut atortut ikkusuunneqartussat pillugit paasissutissat.
4. Aningaasaqarneq pillugu paasissutissat, qinnuteqaatip piviusunngortitsisinnaaneranik uppernarsaatitut atorneqartoq.
Qinnuteqaammissaaq ersersinneqarluni nassuiaasiortoqassaaq qitiusoqarfittut takorluukkamut aammalu qimmit qimuttut pillugit paasissutissiisarfik qanoq eqqiluisaartinniarneqarnersoq eqqakkanit, nerukkaatit sinnikuinit il.il.

Piffissaliussat aamma suliat pilersaarutaat:
10.04.2018: Nal.08.00-miit nunaminertamik qinnuteqaat nassiussinnaalissaaq nunaminertamut.
22.05.2018: Nal.16.00 Nunaminertamut qinnuteqaatit tigunissaat immikkoortumi siullermi matussaaq.
Tamatuma kingorna sukkulluunniit qinnuteqartoqarsinnaalissaaq nunaminertaq suli inuttaqalersimanngippat.

Ilitsersuut
Siunnersuutit ilitsersuutillu Pilersaarusiornermut immikkoortortaqarfimmut oqarasuaat: 947800 imaluunniit mail-imut: plan@avannaata.gl. saaffiginnilluni pissarsiarineqarsinnaapput.

KPT60.pdf