Qaanaaq: Kommunip pilersaarutaanut tapiliussaq nr. 63

23. april 2018

Kommunip pilersaarutaanut tapiliussamut nr. 63-imut siunnersuummi siunertarineqarpoq Qaanaami immikkoortortaq 1700-B01-imi umiarsualiveqarfimmik sanaartornissap periarfissinneqarnissaa, taannalu tamanut saqqummiunneqarpoq oqallisigineqartussanngorlugu piffissami: 23.04.2018-miit 04.06.2018 ilanngullugu.

Kommunimi pilersaarummut tapiliussap siunertaa:
Aalajangersakkanik pingaarnernik ersarinnerusunillu aala-janersaaneq atortulersuutinut sanaartukkanullu annerusu-nut pingaarnerusunullu, tamatumunnga ilaatinneqarluni umiarsualivissaq. Umiatsianut angallatinullu umiarsualivimmi atugassaqartitsineq qulakkeerniarneqassaaq kiisalu containerinik usigiaanermi prammit atorlugit.

Kommmunip pilersaarutaata tapiatut siunnersuut sapaatip akunnerini arfinilinni sivisussuseqartumik tusarniutigineqassaaq. Piffissami tassani kikkulluunniit – innuttaasut, suliffeqarfiit, ingerlatsiviit, peqatigiiffiit allallu – akerliunerminnik, oqaaseqaatinik kiisalu allannguutissatut siunnersuutinik saqqummiussaqarsinnaapput.

Tusarniaanermi akissuteqaatit kommunimut toqqaannartumik kommunimi pilersaarutip nittartagaa atorlugu nassiussinnaavat. Aamma tassani ilanngussassatit kakkiussinnaavatit. Taamaattorli suli akissuteqaatit najukkanni Sullissivimmut imalunniit Kommunimut nassiussinnaavat.

Tamaik tusarniaasoqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuersissutigineqassaaq.

Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 04.06.2018.

KPT63.pdf