Kommunalbestyrelsip ukioq ataasinngortorsiuinera

7. maj 2018

Ukioq ataaseq qaangiutereerpoq ivertinneqarnitsinniit, assaa piffissaq sukkaq.

Aallartinnitsinniit massakkut suliat amerlasuut ingerlaneqareerput naammasineqarlutillu. Unammilligassarpassuaqarpoq upperaarali siunissamut upperinninneq pilersimasoq pikialaartitsinerillu annertuut innuttaasut akornanni pilerserarneqarsimasut kommuunitta ingerlalluarnissaanut tikkuussisuusut.

Qutsavigerusuppakka kommunalbestyrelsimi ilaasortat nunaqarfinnilu aqutsisut sulisuusullu aallartisarnitsinni suleqatigiinnissaq kivitseqatigiinnissarlu anersaaralugu suleqataalluarmata.

Illoqarfinni nunaqarfinnilu siulersuisut suliniuteqarnerat isumalluarfigivarput. Suliniuteqarneranni nukittorsaanerput ingerlateqqissavarput innuttaasut akuutinneqarnerisigut assigiinngitsunik sulissuteqartarnitsigut kiisalu qanimut oqartussaaqataanerup annertusarneratigut.

Ikinngutinnersumik inuulluaqqusillunga
 

Palle Jerimiassen
Borgmesteri