Qaasuitsup Kommuniata naatsorsuutai

11. maj 2018

Kommune Qeqertaliup borgmesteriata ippassaani oqaaseqarnera tunngavigalugu Avannaata Kommuniani borgmesteri imatut erseqqissaateqarusuppoq:
Siullermik erseqqissaatigerusuppara Qaasuitsup Kommunerisimasaata 2017-imut naatsorsuutai suli naammassinngimmata, aatsaallu tamanna juunimi pisussatut naatsorsuutigineqarluni. Nalunngisarpulli unaavoq: kommuniusimasup amigartoorutissai naatsorsuutigisamiit annertunerujussuupput. Tamannali isumaqanngilaq Avannaata Kommunia imaluunniit Kommune Qeqertalik Qaasuitsup Kommunerisimasaaniit pissaqanngitsut. Kingornussassatta amerlanersaat ukiup nikinnerani tigoreernikuuavut, taakkulu tunngavigalugit ullumikkumut ingerlatsilluta.

Una aamma erseqaqissaatigerusuppara: pisortatigoortumik Qaasuitsup Kommunerisimasaata naatsorsuutai kukkunersiukkat tigusimalerutsigit taamanikkussamut oqaaseqarfigiumaarakkit.

Avannaata Kommunianit erseqqissaatigissuarput innuttarisavut toqqissisimannginnissaminnut tunngavissaqanngitsut. Avannaata Kommuniani ukioq manna ingerlatsinerput isumalluarfigaarput.

Ikinngutinnersumik inuulluaqqusillunga
 
Palle Jerimiassen
Borgmesteri