Akuerisaq: Aatsitassanik piiaaffiit, Qaanaaq

22. maj 2018

Kommunip pilersaarutaanut tapiliussap nr.61 sumiiffiit immikkoortuinut E15-mut Qaanaamiittut inaarutaasumik akuersissutigineqarput ulloq 08.05.2018.
Kommunimut pilersaarutitut tapiliussaq ulloq 22.05.2018 pisortatigoortumik nalunaarutigineqarpoq, ullorlu tassanngaanniik kommunip pilersaarutaatut tapiliussaq inatsisitigut atuuttussanngorpoq.

Kommunimi pilersaarummut tapiliussap siunertaa:
Immikkoortortaq sioqqanik, ujaraaqqanik ujaqqanillu piiaavittut atorneqassaaq.
Immikkoortortaq E15, aqquserngiornermut mittarfiullu iluarsartuunneqartarneranut atugassanik kiisalu inuit namminneq atugassaminnik ujaraaqqanik aallerfigisinnaasaannik piiaavimmik pilersitsinissamik siunertaqarpoq.

Assaaffiusinnaasoq
Nunaminertaq sanaartorfiusinnaasoq sanaartorfigineqanngitsorli nunaminertamik atuisinnaanermut qinnuteqarfigisinnaavat NunaGIS aqqutigalugu aamma kommunip nittartagaa aqqutigalugu qinnuteqarluni immersugassaq aasinnarlugu immersorneqassaaq, uaniittoq: http://www.avannaata.gl. Inummit imaluunniit suliffeqarfimmit ataatsimit qinnuteqaat ataasiinnaq immersoqqusaavoq, inuttut ataasiinnartut allassimasussaq aamma inatsisit malillugit ataasiinnarmik atuarneqarsinnaassaaq. Qinnuteqaatit tamarmik pappiliartaat nassiunneqartut aallaavigalugit nalilersorneqarumaarput.

Qinnuteqaatit tamarmik makkunannga imaqassapput:
1. Sanaartukkap sumut atorneqarnissaanik paasissutissat.
2. Teknikkikkut atortut ikkusuunneqartussat pillugit paasissutissat.
3. Aningaasaqarneq pillugu paasissutissat, qinnuteqaatip piviusunngortitsisinnaaneranik uppernarsaatitut atorneqartoq.

Piffissaliussat aamma suliat pilersaarutaat:
22.05.18: Nalunaaqutaq 12:00-miit sanaartorfissani nunaminertamik atuisinnaanermik qinnuteqaatit nassiunneqarsinnaapput.
02.07.18: Nalunaaqutaq 12:00 nunaminertamik atuisinnaanermik qinnuteqaatit tigooqqarneri siullermeertumik matussapput.
Tamatuma kingorna sanaartorfissaq suli sanaartorfigineqarsimassanngippat nunaminertamik atuisinnaanermut qinnuteqaatit qaqugukkulluunniit qinnutigineqarsinnaapput.

KPT61.pdf