Ilaqutariit Illuat, Ammasumik siunnersortinneq

29. maj 2018

Innuttaasunut tamanut neqeroorut
Ajornartorsiutit tamatigut namminneq aaqqissinnaaneq ajorpugut.
Ilaatigut namminermut pitsaanerpajusarpoq inulerinermik misilitagalimmik oqaloqateqarluni.
Ilaqutariinnut siunnersuisarfiup neqeroorfigivaatit ajornartorsiutit annikikkaluarpat annertungaluarpalluunniit, oqaloqateqarnissarnut. Neqeroorut tingujuk.

Suna saaffinginnissutigineqarsinnaava?
Inuttut inissisimaffiit aallaavigalugit Ukuusinnaasut; kiserliorneq, aaqqiagiinnginneq ajornartorsiorneq, nalornisoorneq, nuanninngitsunik eqqarsarneq, imminullu naammaginnginneq. Aamma makkuusinnaapput tupannartumik nalaatsinerit, taassumalu kingunerisaanik qaangersinnaanngisamik annilaangasalerneq, sinnarliorneq, allatigullu timikkut ippingisaqarneq,tamakku pillugit saaffiginnissinnavutit.
Angajoqqaat meeqqamik ineriartorneranni isumaaluuteqarsinnaasarput/ernumassuteqarsinnasarput. Makkuusinnaasut – meeraq/ meeqqap ineriartorneranut pitsaanerusumik ikiornissaanut nalornisoornerit.
Angajoqqqaarpassuit pisariaqartissinnaasarpaat oqaloqatingiissutigissallugit inuusuttuaranngulersunut aaqqiangiinngissutitsik, makkuusinnaasut, inuusuttuaqqap inuunerminni ingerlaarfimminnilu nalornissuteqarlutik ingerlariaqqinnissartik nalulerpassuk peqatingalugit oqaloqateqarnissaannik aqqutisiunnissaat.
Tamakkuupput ajornartorsiutit eqqartorneqarsinnaasut ammasumik siunnersorneqarnermi.

Innuttaasunut tamanut oqaloqateqarnissamik neqeroorut
Inuttaasut periarfissaqarput inuttut nammineq saaffiginnissinnaallutik takkullutik imaluunniit telefonikkut sianerlutik 385579 Ilaqutariit Illuannut Illumiut 8-mut Ataasinngorneq 9:00 – 12:00.
Ammasumik oqaloqatiginnineq isertuussavoq, ima paasillugu ilaqutariit nalunaarsugaanngillat, tamaallaat ateq, ukiut, tlf.nr. pineqartarput nalunaarsuinissaq pillugu. (Statistik)