NIAQORNAT - Nuna arlalitsingut sisoorsimavoq

18. juli 2018

Uummannap eqqaani nunaqarfimmi Niaqornani ullut arlerlungit siallerneranik nuna arlalitsingut sisoorsimavoq, nunaqarfiup kitaatungaani aammalu kangiatungaani.

Kitaatungaani nunap sisoorsimanera annertunngikkaluarpoq, kisiannili allatingut nunap marraasup qullorsimanera sisoornermik nutaamik pilersitsisinnaavoq, kisianni Niaqornani siallerunnaarsimasoq upalungaasimasut ittuat nalunaarpoq.

Nunaqarfiup kangiatungaani nunap sisoornerata ujaraaluit nassatarisimavai, ilaatalu illu sullivik eqqorsimallungu annertunngittumik iingaa putusimasoq nalunaarutingineqarpoq.