UUMMANNAMI Kangerloqqissumi umiatsiat, snescooterit, karsit, qerititsivikut pigisallu allat angisuut inuttassarsiukkat

29. august 2018

Sullissivik Uummannaq umiatsianik, snescooterinik, karsinik qerititsivikunik pigisanillu allanik Kangerloqqissumi nunaminertaliiffigineqarsimanngitsumik inissiisimasut kaammattorpavut piminik aalleqqullugit.

 

Nunaminertanik takussutissaqanngitsut peerneqassapput inaalinneqarlutillu kingusinnerpaamik tallimanngornermi 14. September 2018.

 

Ulloq taanna peerneqanngippata umiatsiaq, snescooterit assigisaallu kommunimiit peerneqassapput inuttaanut akiligassanngorlugu.

 

Piginnittoq kommunimut takkutinngippat qaammatit pingasut qaangiuppata ingitassanngortinneqassaaq.

 

Umiatsit, snescooterit nilertut assigisaallu inissikkallarnissaanut nunaminertamik qinnuteqarnissaq periarfissaavoq Sullissivimmut saaffiginninnikut.

 

Ingitassanilli uninngaannartunik peqaraanni Sullissivimmut imaluunniit Teknikkeqarfimmut saaffiginnilluni nalunaartoqarsinnaavoq.

 

 

Inussiarnersumik Inuulluaqqusillunga

Makkak Markussen

Sullissivik Uummannaq