Isumaqatigiissut nunatsinnik siuarsaasoq

10. september 2018

Nunatsinni Naalakkersuisut siulittaasuata kiisalu Qallunaat Nunaanni Naalakkersuisut siulittaasuata isumaqatigiissutaat nunatta ineriartoqqinnissaanut imaannaanngitsumik kinguneqartussaavoq. Avannaata Kommuniani kommunalbestyrelsimi amerlanerussuteqarluartut sinnerlugit matumuuna isumaqatigiissutigineqartunut nuannaaruteqarnini tamanut nalunaarutigaa.

Isumaqatigiissut nunatta immikkoortuini tamani inuussutissarsiutit siuarsarneqarnissaannut, ineriartorteqqinnissaannut periarfissanillu nutaanik ammaassineranik kinguneqassooq.

Nunap immikkoortuini tamani ineriartortitsinnissamut aningaasaliiniarlutik, akunnittarfiliorniarlutik suliffeqarfinnillu nutaanik pilersitsiniarlutik piareersimasut maanna aallartissinnaanngorput.
- Mittarfissuit periarfissat pilersitassaat maanna nalorniunnaarluta aallussinnaanngorpavut. Takornariaqarnermik ineriartortitsinissamut siunnerfeqarluta aallartissinnaanngorpugut.
- Nunatsinni aalisakkanik tunisassiat nutaarluinnaat Europamut Amerikamullu sammivilerlugit toqqaannartumik ingerlassinnaanngussuavut isaatitsinerulernissatsinnut periarfissiisut
- Nunarsuarmioqatitsinnut sumiikkaluartunut toqqaannartumik attaveqarsinnaanngussuugut
- Niueqatigiinnissamut periarfisst nutaat ammaanneqassapput

Nunatsinnik ineriartortitserusunneq tamatta uummateqarfigaarput. Eqqaamatigu inerirtortitsinitsinni imminuinnaq aallatissannginnatta. Nunarsuarmioqataavugut suleqateqarsinnaanerlu pinngitsoorsinnaanagu. Ajattuinata – tatigeqatigiinnerli tunngavigalugu suleqatigiitta, pasxilliinermik aallaaveqartitsinata – tamanna siunissami nunatta aningaasaliisussarsiortarnissamini iluaqutigissuaa.

Nunarput, minnerunngitsumillu Naalakkeruisut siulittaasuat angusaa pillugu matumani pilluaqquarput.

Avannaata Kommuniani kommunalbestyrelsimi Siumut, Naleraq Atassullu sinnerlugit,

Palle Jerimiassen
Borgmester