Nalunaaruteqarneq - Nipaanneq atorunnaaruk

Meeraq inuusuttorluunniit atornerlugaanermik eqqugaaqqasoq pasitsaassimagukku, qanoq iliussaanga?
25. september 2018

Meeraq inuusuttorluunniit persuttaanermik, kinguaassiutitigut atornerlugaanermik imaluunniit sumiginnarneqarnermik eqqugaasoq pasitsaassimagukku, inunnik isumaginninnermik oqartussaasunut tamatuma nalunaarutiginissaanut innuttaasutut pisussaatitaavutit.

Ilaqutareeqarnermut ingerlatsivimmut sianersinnaavutit imaluunniit allakkanik mail-imilluunniit nassiussisinnaallutit. Illit ativit ilisimatitsissutiginissaa toqqarsinnaavat. Kisianni aamma kinaanerit isertuussinnaavat, tassa imaappoq; illit ativit ilisimatitsissutiginissaa minissinnaavat.

• Meeraq inuusuttorluunniit kina pineqarnersoq ilisimatitsissutigiuk.
• Ateq immaqalu najugaq imaluunniit atuarfik atuarfimmiluunniit klassi sorliunersoq
• Ilisimasatit imaluunniit ernummatigisat ilisimatitsissutigikkit.
• Meeraq inuusuttorluunnit ilisimagukku sunalu pineqarnersoq nalunagu, taava pissutit nalunngisatit nassuiarlugit allaaserikkit.
• Imaassinnaavoq meeraq kommunimiit ilisimaneqarfigineqanngivissoq.

Maannakkut kommunip qitiusumiik nalunaarutinik tigooraavianut kinaassutsinmik isertuussillutit mail-imut nassiussisinnaanermut periarfissaqarputit. Matuma kingorna suliassaq misissorneqassaaq kommunillu namminerisaminik maleruagassaasa tikkuuppaat, nalunaaruteqarnerup tiguneqarnerata kingorna akunnerit 24-ti qaangiutinnginneranni misissuineq aallartinneqareersimassasoq. Matuma kingorna suliassamik qanoq ingerlariaqqittoqassanersoq kommunip aalajangiiffigissavaa.

Kinaassutsimik isertuussilluni nalunaaruteqaat nassiunneqarsinnaavoq uunga: social@avannaata.gl

 

Ulloq unnuarlu nalunaaruteqarnissamut periarfissaavoq:

Mail

social@avannaata.gl

Socialvagt - Qaanaaq

499359

Socialvagt - Upernavik

590208

Socialvagt - Uummannaq

549522

Socialvagt - Ilulissat

530917

 

Nalunaaruteqarnissamut periarfissat allat:

Najukkanni Sullissivimmut allakkamik nassiussisinnaavutit.

Avannaata Kommunia: 701800, Ataa.-Marl.: 10-14, Ping.: Matoqqavoq, Sisa.- Tall.: 10-14