QAANAAQ: Inuusuttut kajumissutsiminnik pitsaaliueqataasut

Imminut toquttarneq akiorniarlugu allatigullu pinaveersaartitsinikkut suliniarneq aallartisarneqalerpoq inuusuttut kajumissutsiminnik suliniutillit pilersinneqalerlutik ukioq Okt. 2018-miit aallartittumik. Tassanilu pineqarput inuusuttut 14-iniit 22-inut ukiullit.
23. november 2018

Inuusuttullu kajumissutsiminnik suliniuteqarusuttut atsiortinneqarput ulloq 16/10-2018. Taakkulu atsiorsimasut inuusuttut kajumissutsiminnik suliniuteqarusuttut aggersarneqarput aallarnisaanissamut naapisinneqarlutik. Aallamisarnermi siunnersuisuuvoq avatangiisinik pitsaaliuinermi sullissisoq kiisalu Ihaariaq klub-imi sulisoq.

Siunertaq:
Inuusuttut namminneerlutik pilersitsinerminni assigiinngitsutigut pinaveersaarneq ingerlanneqassaaq soorlu makkuninnga: imminut toquttarneq pinaveersaarlugu, "aanngajaarniutit" - imigassaq, ikiaroornartoq, naamaarneq pinaveersaarlugit, - timip illersornissaanut qaammaasaqalerneq- kinguaassiuutikkut nappaatipalaat, kinguaassiuutikkut ingerlanerlunneq, kinguaassiuutikkut atornerlunneqartameq, meerartaajaartarneq pinaveersaarneri ingerlanneqassallutik. Inuusuttut iluminni inuusuttuunerup silarsuaani ilisimasaat najoqqutaralugu suliniarlutik pinaveersaartitseqataaneq ingerlatissuaat.

Pinaveersaartitsinermi sakkussat:
Inuusuttut imminnut kajumissaaqatigiinnikkut sammisassatigut assigiinngitsunik pilersitsineq piviusunngortitsinerlu ingerlanneqartassaaq. Sammisassat pilersinneqartussatut assersuutit:
• Inuusuttut ukioq tamaat pilersaarusiorlugu sammisassatigut
• Inuusuttut katerisimaartarneri (assigiinngitsunik sammisaqarlutik imaluunniit pilersaarusioqatigiinnialeraangamik ataatsimuualaarnissamik imaluunniit isumasiueqatigiinneq pilersaarutaasunik pilersitserusulemermi kateriffik)
• Inuusuttut taalliaat, innuttaasunut tamanut saqqummiuneqarusuppata saqqummiullugit
• Innuttaasunut oqariartuutaasumik isiginnaartitsineq (imminut toquttarneq, imigassaq, ikiaroornartoq, kinguaassiuutikkut inuunerlunneq, naamaartarneq allallu inooriaatsimut tunngasut)
• Inuusuttut nunaqarfimmiittut malinnaatillugit pilersitsineq (nunaqarfimmiut qanimut ornillugit pilersitsisillugit)
• Inuusuttut aasakkut illoqarfimmiut nunaqarfimmiullu ataatsimut asimi ataatsimoortarneri (pilersaarusioqatigiinneq asimut sumut pissanerlutik taavalu asimukarnissamut pilersaarusioqatigiinneq)
• Juullisioqatigiinneq/ ukiutoqarsioqatigiinneq/ ukiortaarsioqatigiinneq (aanngajaarniutinik atuisortaqanngitsumik inuusuttut nuannisaaqatigiinneri)
• Siunissaq ungasinneq isigalugu Avannaata kommuniani najugaqartunut inuusuttunut saqqummiiartortarneq Avanersuarmi inuusuttuniit.

Inuusuttumut sunniutit:
Inuusuttut iluminni pilersaarusiortarnerminni qanorlu ingerlanneqassanersoq aalajangiisarnermi inuusuttut kajumillutik anguniagaqalertarput. Sammisassatigut pinaveersaarneqarsinnaasut assigiinngitsorpassuit pilersinneranni inooriaaseq oqinnerulersitsisinnaalluni kiisalu inuusuttut imminnut qaninnerulersinneqarsinnaallutik inuuneq peqqinnartoq ataatsimoorfiusorlu pilersinneqaraanni ingerlanneqaleraannilu, kiisalu inuusuttumut sunniuteqarsinnaalluni naleqassuseq inuiaqatigiinni pingaartutut. Inuttut ineriartomermini tassuunakkut sunniutaasinnaapput ilinniagaqalemeq kiisalu naammassisaqarneq, imminut ilisarisimaneq, imminut paarineq, imminut naleqartinneq, imminut unammillersinnaaneq anguniagaqarnermi il. il.

Najoqqutaq:
Qaasuitsup kommuniani meeqqat inuusuttullu pillugit politikki FN-ip meeqqat pillugit isumaqatigiissutaa kiisalu pineqartoq pillugu inatsit naapertorlugit ingerlanneqartoq najoqqutaralugit meeqqat 14-iniit 18 ataallugillu ukiullit ilaatinneqarneranni taanna najoqqutarineqarpoq. FN-ip meeqqat pillugit isumaqatigiissutaa kiisalu Qaasuitsup Kommuniani pingaartitat sisamat: Ataatsimoorneq, Kikkut tamat inissaqartinneqarnerat, Ilinniartitaaneq, Qanilaassuseq najoqqutarineqarlutik.

Inuusuttut kajumissutsiminnik suliniuteqartut sinnerlugit saqqummiisut.
Inuhgiarnerrumik
Masauna Holm Petersen