Innarluutillit Peqatigiiffiat "Tasiunnga" Kommunalbestyrelsemit pulaarneqarput

28. november 2018

Ilulissani ulloq ataasinngorneq 26. nov. 2018 nal.12.00 Ilaqutareeqarnermut Ataatsimiititaliami Ilaasortat aammalu Kommunalbestyrelsemi ilaasortat, atorfilittallu, Innarluutillit Peqatigiiffiata "Tasiunnga" illuutaanut Orpigaq-mut Siulersuisunit qaaqquneqarlutik ullup qeqqasioqatigiipput.

 

Peqatigiiffik Ilulissani angerlarsimaffeqarpoq. Peqatigiiffiup suliniutigisartagai ilaasortaminut saqqummiunneqarput. Peqatigiiffik illuutitaarnissaminik suliniuteqalersimavoq 2006-imi, suliniullu piviusunngortinneqarsimavoq 2009-imi. Peqatigiiffiup illuutaa nammineq ataatsimualaarnerminnut atortarpaat. Illoqarfimmi innuttaasut illumik attartorsinnaasarput.

 

Peqatigiiffimmi ilaasortaminut Danmarkimut feriertitsisarpoq ukiumut arlaleriarluni. Peqatigiiffimmi suliniutit taanna ilagivaat, taamatullu peqatigiiffimmi isaruartaarniarlutik qinnuteqartut tapiiffigineqartarput.

 

Ilaqutareeqarnermut ataatsimiititaliami siulittaasoq Jens Imanuelsen oqaaseqarami peqatigiiffimmit qaaqquneqarnerminut qujassuteqarpoq. Eqqaaneqarpoq Kommunalbestyrelse-p anguniaraa Innarluutillit siunnersuisoqatigiivinik pilersitsinissaq aallartisarneqartoq.

 

Oqaloqatigiilluni immersueqatigiittarnissaq pingaaruteqarmat Innarluutillit atugaasa pitsanngorsarnissaannut, siunissami suleqatigiinnissaq pisariaqarmat.

 

/ Ilaqutareeqarnermut Ingerlatsivik