Borgmesterip Lars Erik Gabrielsen, Avannaata Kommunia, aalisartut piniartullu pilluaqquai:
Ataqqinartut aalisartut piniartullu ullumikkut ullorsiornissinni qamannga pisumik pilluangaaritsi
Avannaata kommuneani aalisarnermik inuussutissarsiorfiulluartumi innuttaaqataasuulluni tulluusimaarnaqaaq ulluinnarni atungarissaarnissatsinnut annertuumik naattorsuutaallusilu isumalluutaangassi , qanoq naleqartingalusi ilisimangunaraluarissi ersarissumik apuukkusuppara pinngittoorneqarsinnaanngittusi.
Angallatit umiatsiallu atorlungit sinerissap qanittuani aalisarnermik ingerlaqartuunersi nunaqarfinni illoqarfinnilu pinngittoorneqarsinnaanasi inoqartuarnissaannik qulakkeerinnittuuvusi , tamannalu naalakkersuinikkut annertuumik eqqaamaneqartariaqartoq maana aamma ersarissarusuppara.
Ukiut kingulliit annertuumik pisoqarfiuvoq , inatsisit allanngortiterneqarput , aammali umiatsiarsortut niuerutingisinnaasaminnik pisassaateqalerput ,ilaannut pittaasuulæluni ilaannut naammanginarani taakkulu paggallutik ingerlalersimallutik ilisimanangu qaqungukkut unissanerlutik tamanna aaqqittariaqartutut taasariaqarpoq , aalisakkammi qaqinneqartariaqarput , inuiaqatingiinni sunniutaat annertuvoq pingaaruteqarluinnarporlu aalisangartassiissutit qaqinneqartarnissaat , ukiorlu manna aamma siornatuut qaqinneqanngittoortussat 10.000 tonsinit ikinnerunngillat tamanna aaqqiivingineqartariaqarpoq piaartumik pisassaateqarneq ataqqillungu tamannami inatsisitingut aaqqitaammat .
Saarulliit aamma akimikkut pittanngoriartoranni periarfissat marluulerneri aamma sunniuteqarpoq ,aalisartumut pittaasumik aammali akornutaasumik , qaleralittassammi qaqinngittuungassat nammineq pingisat aamma eqqornerlunneqarsinnaalermata qaqinngittuukkat procentinngorlungu annertuppata annaaneqarsinnaalersinneqarmata , taamaattumik saarulliit qalerallillu ataatsikkut aalisarsinnaasariaqarisi aaqqissuussaanikkut ammaanneqartariaqarpoq tamannalu isumaqarpoq umiatsiat arlariit aalisartinneqartariaqarnerat , siuariartornermummi malinnaasumik ingerlaaseqartoqartariaqarmat.
Uumasut killilersukkat kalaallit nerisassaataannik nerinerput innarleriartorpaa ,tamanna aaqqiivingineqartariaqarpoq , avataaniit tatisimanninneruppat naalakkersuinikkut suliassaavoq ukkalluinnarneqartariaqarpoq tassunga aamma ilaalluinnarpoq nalunaarsuillunilu kisitsisoqarnissaa , nunaqarfinnimi illoqarfinnilu piniakkanut isinginnaanginnartussanngortitaasimaneq kialluunniit aaqqitaringaluarpangu aaqqiivingineqartariaqarpoq qanormi allaanerussangami ?
Naggataatingullu kaammattuutingerusuppara imaani inuussutissarsiortuususi aamma inuussutissarsiutinut allanut alakkaamanerusariaqartusi ,tamanna pisariaqarpoq aningaasaliisinnaanermi sapiiffingineqaraangami matunik allanik ammaassisarmat , kissaatimalu annerpaartarivaat qaammarsaanikkut nukiit annertusarneqartariaqartut , tamassi namminersortuungassi pisussaaffiliivoq allaffissornikkut ingerlalluartariaqarnissinnik allaat aalisartuunermiit piniartuunermiillu pingaarnerulluni , allaffissornermi ingerlalluanngittoq isumaqarpoq nunamut qaqisariaqarnermik ,piniutinik taarsersuisinnaajunnaarnermik assingisaalu.
Nukisi ataatsimoorullungit avissaartuunnasi ingerlaqqunaqaasi peqatingiiffeqarnikkut ilaasortasi pillungit ilaasortassimi pisariaqartippaat ikorfartorneqarlunilu ineriartortinneqarnissaq .
Ullorsiorluarisilu .