Asasakka nunaqqatit Avannaata Kommuniani, tamassi ukiortaami pilluaritsi.
2026 nangissuarput 2025 ingerlasimaneratut tassalu kommunetsinni najungaqarfinni tamani peqataasitsinermik ineriartornermillu pilersitsiviusoq .
Suliassat annertupput aammali aallartisarneqarneri suliassartaqarsimasut timitalersorneri ersileriartussapput.
Inuussutissarsiorneq imaatingut ukiorpassuarni isumalluutingalungu nappatingisarput aamma nunarput tamaat ,unamminartumiippoq tassa kinguariartorluni aammali aalisakkat allat takkusimaarneri soorunami pisooqataallutik iluaqutaallutilli piffinni tamaniunngikkaluartoq , pinngortitalli allanngoriartornera malunnarsillualereersimasoq naleqqussartariaqalernitsinnik oqariartuuteqarpoq.
Allanngulernerilli namminneq iliuusitsinnik pilersitsivingisimangutsingit iliuuseqartussaavungut ilaatingut piniutit eqqarsaatingalungit , piujuartitsinermik aallaavilimmik sunaluunniit inuussutissarsiut ingerlatissuarput .
Qiningaaffik una akisussaaffiit annertuut tingusimavangut aaqqitassaaleqinngeqaangullu , sunaangaluartorli suliassaq ataatsimoorluta suliassaraarput ,eqimattakkaarluta sulissanngilangut ,ajornartorsiuterpassuimmi ulluinnarni innuttaasuni atuuttut aaqqiivingeqqullutik utaqqipput , iliuusissat annertuut pingineqarput ataatsimoorussinissarli pisariaqarpoq aamma akissussaaffimmik tingusinermik nassataqartussaq.
Ilaqutariinnerup nukittorsartariaqarnera pimoorullungu ingerlakkumavarput ,meeqqat inuusuttullu illersungaanerat annertunerusariaqarmat kivitseqatingiissuungut , peqqinnarnerusumillu inuunermik ingerlatsinissaq pingaartikkatsingu tamanna innuttaasunut periarfissatut ersarissuutitsikkumallungu sulianik annertusaalluta.
Meeqqat angerlarsimaffiup avataanut inissinneqartartut annikillisarusuppangut tamanna pissooq angerlarsiumaffik suleqatingilluinnarlungu eqqungaasut tamarmik misingissutitingut eqqungaasarnerat minnerpaaffissaaniitikkumallungu.
Atuarfik allannguiffingissuarput suliniutit aallartereerput suleqatingiit SIUMUT aamma Naleraq tassani isumaqatingiilluinnarlutik siunnerfeqarput.
Ilinniartitaaneq ukiorpassuarni avannaata kommuneani periarfissalussimaqisoq alloriarfiusussanngulerpoq ,siullertut inuussutissarsiornermik ilinniarfik pilersinneqassammat taamaalilluni avannaata kommuneani najungaqartut ilinniarfingisinnaasaminnik peqalissapput sammineqartarumaartullu arlalissuupput ilaatingut aalisartut pikkorissarsinnaneranniit takornarialerinermi ingerlaqarnermi ilinniarneqarsinnaasut arlalissuit periarfissaassallutik.
Tamanna pisussaaffiuvoq mittarfissuassarmi atulertussaassooq unalu periarfissaq iluatsillungu annertuumik kaammattutingiumavara innuttaasut nunaqqatingut inuussitissarsiummut tassunga ikaarsaanngikkunik pilersitsinissamut sapiissuseqarlutik iliuuseqalissasut, pinginnittuusussaavusimi aammalu ilissi inuussutingisussaallungu pingaarsi avataaneersullu killilerneqartariaqalerput.
Inissialiorneq annertuumik ukkatarineqassooq aammalu najukkani tamani tamanna periarfissaasariaqartoq ersarissartuangassaraarput.
Uanilu oqaatingerusuppara avataaneersunut illunik pisisinnaaneq ima ajornanngitsingaaq attartortittakkat amerliartuinnavillutik massakkut inoqanngillat, upernaaru aaasarulu ulikkaavillutik inoqalerumaartussat aningaasarsiorfiullutik, innuttaasut angerlarsimaffissaqanngittut.
Taamaattumik Naalakkersuisut kaammattorumavakka bopælspligt tassalu najungaqarnermik uppernarsaaneq atorlungu, illunik pisisinnaaneq eqqunneqassasoq ukiullu qulit amerlanerilluunniit najungaqartuusimasuunissaq ilanngullungu, nunammi allat takornariaqarnermik annertuumik ingerlataqartut ajornartorsiutaat uangut nangiinnangassarinngilangut aaqqereerneqartariaqarput innuttaasut eqqarsaatingalungit tamakkuummata aamma akinik qaffassaasut.
Visit Ilulissat pilersinneqarpoq taanna misingisassarsiortitsinerup ineriartortinneranut siammarterneranut annertusaasussatut suliaqassooq , inuussutissarsiornermillu ingerlatsivimmi aamma nukittorsaasoqarpoq siunertaalluni inoqarfiit tamarmik pinginnaaneqarnerulernissamut, neqeroorutinik pilersitsinissamut akinillu aaqqissuussinernut pinginnaanngorsarneqassasut.
Malungisinnaasassituut takornariaqarneq suleqatingiit pingaartippaat kalaalerlu iluanaartuussasoq ersarissuutittuarlungu, taamaattariaqarmammi, qujanartumillu kommunerput suleqatingiumaneqarpoq immikkut taajumavakka PONANT, VIKING aammalu DMC nordic, akit atornerluinertut isikkoqartut allanngorluinnarlungit sulineq aallartinneqarpoq, kommunetsinnut tuttussat annertunerlersinniarneqarput, naammalerporlu avataaneersut aningaasarsiornermi initunerat aammalu akileraartarnikkut peqataanngilluinnarnerat pisussaaffiliivoq innuttaasut tingusiartortariaqarnerat peqataasariaqarnerallu, kommunilu piareersimavoq ikiussallusi kommunetsinni sumiluunniit najungaqaraluarussi.
Avannaata Kommuniani allanisuut sulisinnaasut amingaatingaangut annertuumik, innuttaaqatingullu kaammattorumavangut suliffimmik suungaluartumik kivitseqataanissaat tamanna pisariaqarluinnarmat.
Sutingut tamatingut sulisoqarnikkut ajornartorsiuteqarpungut aamma utoqqaat isumassorneqarnerat, meeqqerivinni allanilu, qujanartumillu utoqqartangut peqataarusupput suli inuiaqatingiinnut tunniussaqarnissamut.
Avannaata Kommunia piniakkat killilersungaanerisa annertuumik eqqornerlunneqaatingivaa, avannaarsuaniik kujammut piniakkat nalliusimaartut isinginnaanginnarneqarput neqissaqarniarnikkut iluaqutaanerusussaangaluartut minnerunngittumik aningaasarsiornikkut, paasisinnaannginnerpaasamalu ilangisarpaat sooq taama inuiaat ikitsingaluta taama killilersungaatinginerput, allaat kinguaatta kalaaliliminertornerat annikilliartuinnarluni.
Nunarsuarmi pisorpassuaqarpoq, nunat tingumatuut assut initupput, avannaatali kommuniani inuussutissarsiornikkut atukkatingullu malunginngilluinnarparput, immikkut aasit inissisimanerput ersarippoq , politikkikkut inissisimanerluppungut aaliangiisartullu assut ungasittutut misingisimanarlutik aaqqiissutissanik ujartuiniarnermi, ikuallaaveerannguit pilersiortorusunnerini assersuutissaqqippoq.
Pinngittaaliniarneqarpungut assartuissasungut eqqangassanik tamanna isumassarsiani ajornerpaajusoq oqaatingerusuppara, perusupparpummi eqqiluittuutitsillutalu atorluaassangutta ikuaallaaveqassasut nunaqarfiit illoqarfiillu , aammalu naalakkersuisut peqatisileraangut nunaqarfiit avinngarusimasumiittullu pittaanngorsaavingineqarnissaat aqqusineqarnikkut ,imeqarniarnikkut kuuffeqarniarnikkut aammalu ineqarniarnikkut, nunaqarfiimmi misingitinneqartuarsinnaanngillat qaqunguungaluarnersoq matuneqartussatut taakkumi nunatsinnut annertuumik pilersueqataapput sineriassuarpullu inoqartillungu.
Sakkussalerngusaannermi assut minitaasutut misingisimatinneqarnerput ersarippoq, folketingimi ilaasortaasunit qitiusumiillu , taamaallu inuussutisssarsiornikkut siuarsaanissami suleqatissarsiorsinnaaneq avaqqussinnaajunnaarparput, Avannaata Kommunianilu tamanna aamma atussallutingu sulineq ingerlatissuarput nunat qaningisangut suleqatinginerusariaqaleratsingit.
Uummatitsinniipput ilaquttaminnik annaasaqarsimasut, nappaammik eqqungaasimasut qanortoq nukissamik tunineqartarisi aqqutit misingissutillu imaannaanngittut atuuffiini.
Naggataasumik innuttaasut avannaata kommuneani annertuumik kaammattorumavakka inuunermik peqqinnarnerusumik ilaqutariinnut nukittorsaataanerusumik inuunermut toqqaanissaminnut nukiit pingisatik atussangaat, ikittunnguuvungut kikkuungaluartungullu eqqungaaqqavungut inuunerluutinut sammiveqartumik inuunermik atuinitsinnik, ajornartorsiutit pingisat imingassamik aanngajaarniutinillu atuilluni qaangerniangassaanngillat, inuusuttunnguit annaajortortuarneri killeqartariaqarpoq, ilinnut ilaquttatillu pillungit allanguinissat toqqaruk peqatingerusuppatsingillu.
Ukiortaami pilluaritsi.