Innuttaasunut ataatsimiisitsineq: Ilulissani UNESCO-qarfiup siunissaa
Arfininngorneq januaarip 24-ani nal. 14.00
Atuarfik Mathias Storch
Ilulissat piffimmi pingaarutilimmi inissisimavoq. Mittarfissarput nutaaq ammarpat tikeraartut amerlinissaat naatsorsuutigineqarsinnaavoq tamannalu Ilulissani UNESCO-qarfiup qanoq maannakkut siunissarlu eqqarsaatigalugu ingerlanneqarnissaanut ineriartortinneqarnissaanullu piumasaqaatinik nutaanik nassataqarpoq.
UNESCO-qarfimmut tunngatillugu Ilulissat Kangiani Aqutsisoqatigiit taamaammat innuttaasunut ataatsimiisitsinissaminnut qaaqqusipput, tassanilu innuttaasut siunnersuutaat aqutsinissamik pilersaarutissamik suliaqarnermut ilanngunneqassapput.
Aqutsinissamik pilersaarummi sumiiffiup qanoq atorneqartarnissaanut, illersorneqarnissaanut aamma siunissami ineriartortinneqarnissaanut taamaasillunilu najukkami innuttaasunut, pinngortitamut aamma kingornussisussatsinnut kinguaassatsinnullu iluaqaatussanngorlugu sinaakkusersuisoqassaaq.
Innuttaasunik peqataasitsineq sulinitsinnut pingaaruteqarpoq. Ilisimasatit, isummatit isumassarsiassatillu takornariaqarnerulernerup allanngorarnerullu kinguneranik UNESCO-qarfiup oqimaaqqatigiissumik aqunneqarnissaanut iluaqutaasinnaapput.
Kikkut tamarmik tikilluaqqusaapput – isummallu pingaaruteqarpoq.
kangia.gl