Ilulissani kommunimut pilersaarummut tapiliussassatut siunnersuut nr. 44, „nuna eriagisassaqarfiusoq, Oqaluffiup, Katersugaasiviup aamma Illutoqqat eqqaat”, tamanut tusarniutigineqarnera sivitsorneqarpoq.
Kommunimut pilersaarummut tapiliussassatut siunnersuut nr. 44 sivitsugaasumik tamanut tusarniutigineqarluni piffissami 30.03.2026-miit ulloq 20.04.2026 ilanngullugu saqqummiunneqarpoq.
Kommunimut pilersaarummut tapiliussassatut nr. 44-tut siunnersuut
Kommunimut pilersaarummut tapiliussap siunertaa
Oqaluffiup ataa eriagisassatut aalajangingaavoq, qajartornermut atorneqartartoq, pingaartumik kalaallit qajaat eqqarsaatigalugit.
Oqaluffiup ataani qaannat plastikkimik sanaat assigiinngitsunik qalipaatillit sumut tamaana inaaliinnakkat ajornartorsiutaalersimapput.
Kommunimut pilersaarummut tapiliussami allannguutissatut siunnersuutigineqartut siunertaraat Oqaluffiup ataani qaannat nutaaliat inissillugit toqqorneqartarnissaat aaqqissuunneqassasoq, taamaalilluni sumiiffik torersuutinneqassammat.
Siusinnerusukkut tusarniaanerup kingorna aalajangiunneqarpoq immikkoortumi tassani illut pioreersut annertusarneqarsinnaanerat sumiiffinnut ataasiakkaanut killilerneqassasoq, Oqaluffiup ataa tamarmiusoq sunnerneqassanngippat.
Tamatuma saniatigut qajartortartut peqatigiiffiata illuutaata annertusisamik ilusilerlugu, peqatigiiffiup ingerlatsineranut atortulersuutit amerlanerusut ilanngullugit, sananeqarnissaa periarfissinneqassasoq.
Nunaminertat pingasut qaannanut nutaalianut ilitsiviliorfissatut immikkoortinneqarput.
Tamanut tusarniaaneq
Kommunimut pilersaarummut tapiliussassatut siunnersuut sapaatit akunnerini pingasuni tusarniutigineqassaaq. Piffissami tassani innuttaasut, suliffeqarfiit, ingerlatsiviit, peqatigiiffiit il.il. tamarmik akerliliissutinik, oqaaseqaatinik aamma allannguutissatut siunnersuutinik saqqummiussisinnaapput.
Tusarniaanermut akissutit kommunip pilersaarusiorneq pillugu nittartagaatigut toqqaannartumik kommunimut nassiunneqarsinnaapput:
https://kommuneplania.avannaata.gl/dk/hoeringer/
imaluunniit mailikkut plan@avannaata.gl-imut.
Akissutit najukkanni Sullissivimmut tunniunneqarsinnaapput imaluunniit Kommunimut nassiunneqarlutik.
Tamanut tusarniaanerup kingorna Kommunalbestyrelsi akerliliissutit aamma allannguutissatut siunnersuutit tiguneqarsimasut suliarissavai, tamatuma kingorna siunnersuut inaarutaasumik akuersissutigineqarsinnaavoq.
Tusarniaanermut atatillugu akerliliissuteqaruit imaluunniit oqaaseqaatissaqaruit, taakku kommunimit kingusinnerpaamik ulloq 20.04.2026 tiguneqareersimassapput.
Siunnersorneqarnissaq ilitsersorneqarnissarlu pilersaarusiornermut immikkoortortaqarfimmut mailikkut plan@avannaata.gl-mut saaffiginninnikkut pissarsiarineqarsinnaapput.