Avannaata Kommuniani kommunalbestyrelsip 17. marts 2026-mi kommunimut pilersaarummut tapiliussaq nr. 63, ILU1200-C21, „Sermermiut Aqqutaani Qitiusoqarfik“, inaarutaasumik akuersissutigaa.
Kommunimut pilersaarummut tapiliussap siunertaraa Sermermiut Aqqutaata eqqaani immikkoortup inissianut, takornariaqarnermut sullissinermullu atorneqartussanngorlugu annertusineqarnissaa. Tamatumani tunngavigineqarpoq innuttaasut inuussutissarsiornermillu ingerlatsisut sulisunut inissianik, takornarianut unnuisarfissanik, namminersorluni inuussutissarsiornermik il.il. pilersitserusuttut qinnuteqaatigisaasa naammassineqarsinnaalersinnissaat. Immikkoortoq Ilulissani Kangiata Illorsuata UNESCO-llu immikkoortuanut qanippoq, taakkulu takornarianit, ilisimatuunit innuttaasunillu ornigarneqartarput.
Immikkoortup ilaa kangimut, kimmut kujammullu annertusineqarpoq. Taamaalilluni inuussutissarsiornermut immikkoortortamit B07-imit qimmeqarfiillu D02 D12-illu nunaminertat ilaat qitiusoqarfiup immikkoortuanut ilanngunneqassapput. Immikkoortup ilaa nutaaq takornarianut unnuisarfissanik, namminersorluni inuussutissarsiornermik il.il. pilersitsinissamut periarfissaqarnerulersitsissaaq.
Katillugit immikkoortup ilaa C21 ca. 24.000 m²-imit 30.000 m² missaanut annertusineqarpoq.
Kommunimut pilersaarummut tapiliussaq nr. 63-p tamanut nalunaarutigineqarnissaanut atatillugu immikkoortumi tassani takornarianut sulisunullu unnuisarfissanik sanaartorfissanik immikkoortitsisoqassaaq.
Kommunimut pilersaarummut tapiliussaq tamakkerlugu uani atuarneqarsinnaavoq:
Kommunimut pilersaarummut tapiliussassatut siunnersuut nr. 63 „Sermermiut Aqqutaa Qitiusoqarfik“
Kommunimut pilersaarummut tapiliussaq sapaatit akunnerini 8-ni tusarniutigineqarsimavoq, tamatuma kingorna sapaatit akunnerini 6-ni tusarniutigineqarluni, piffissallu taakku iluanni innuttaasut, suliffeqarfiit, suliffeqarfiit pisortatigoortut, peqatigiiffiit allanillu soqutigisaqartut akerliliissutit, oqaaseqaatit allannguutissatullu siunnersuutit saqqummiussinissamut periarfissaqarsimapput.
Siunnersuisoqarsinnaavoq ilitsersuisoqarlunilu pilersaarusiornermut immikkoortortaqarfimmut saaffiginninnermi. Pilersaarusiornermut immikkoortortaqarfik Plan@avannaata.gl aqqutigalugu attaveqarfigineqarsinnaavoq.