Nunaminertamik pigisaqartup sanaartorfissanik arlalinnik ataatsimoortitserusulluni qinnuteqarnera tunngavigalugu, kiisalu siunissami qimmeqarnermut nunaminertat qulakkeerneqarnissaat pillugu politikkikkut kissaateqarneq tunngavigalugu, Ilulissani immikkoortortamut 1200-B08-mut tunngatillugu kommunimut pilersaarummut tapiliussaq nutarterneqarpoq, aammalu immikkoortortap killeqarfia imeqarfimmut illersuutitut killiliussap avataaniitinneqartussanngorlugu iluarsineqarpoq.
Kommunimut pilersaarummut tapiliussaq nr. 53 una atuarneqarsinnaavoq.
Kommunimut pilersaarummut tapiliussap siunertaa
Kommunimut pilersaarummut tapiliussap nutarterneqarnissaanik pisariaqartitsineq immikkoortortami nunaminertamik pigisaqartup sanaartorfissanik pingasunik ataatsimoortitserusulluni qinnuteqarneranik tunngaveqarpoq. Qinnuteqartup sanaartorfissat pingasut taakku pigereerpai. Peqatigitillugu nunaminertamik pigisaqartup nunaminertani maanna pigisami annertuumik ilaa kommunimut utertippaa, taanna qimmeqarfittut atorneqarsinnaavoq.
Tamatuma saniatigut Kommunalbestyrelsi aalajangerpoq sanaartorfissat pioreersut, suli nunaminertatut atungassiissutigineqarsimanngitsut, qimmiliveqarfissatut atorneqalissasut. Siusinnerusukkut immikkoortortap ilaa imeqarfimmut killeqarfiup tungaanut illersuutissatut killeqarfilik, qimmiliveqarfittut immikkoortortatut nutaatut atorneqarnissaminut inaarutaasumik immikkoortinneqassaaq. Nunaminertap ilaa aalajangersakkatigut imeqarfiup killeqarfiata iluaniittoq siunissami qimmiliveqarfittut atorneqartussatut immikkoortinneqassaaq, imeqarfimmut illersuutitut killeqarfik piffissap ingerlanerani allanngortinneqarpat.
Sanaartorfissamik inuttaqanngitsumik tamanut nalunaaruteqarneq
Matumuuna kommunimut pilersaarummut tapiliussaq nr. 53, 1200-B08-imut tunngasoq naapertorlugu, nutaatut sanaartorfissaq nr. 13, inuussutissarsiornermut atorneqartussaq, pilersinneqarpoq.
Matumuuna nalunaarutigineqarpoq sanaartorfissaq nr. 13-imut nunaminertamik atugassiisoqarnissaanik qinnuteqartoqarsinnaasoq.
Sanaartorfissaq nunaminertamik 1090 kvm-inik annertussuseqarpoq.
20.04.2026: Ulloq taanna aallarnerfigalugu sanaartorfissamut nunaminertamik qinnuteqaatit nassiunneqarsinnaapput.
01.06.2026: Nal. 16:00 sanaartorfissamut nunaminertamik qinnuteqaatinik siullermeerluni tigusineq matussaaq.
Nunaminertamut qinnuteqaammut nunap qanoq atorneqarnissaannik pilersaarut aamma allakkatigut nassuiaat ilanngunneqassapput, taakku sanaartorfissap qanoq atorneqarnissaanik nassuiaammik imaqassapput.
Nalunaarutigineqartutut killiliussaq nallertinnagu nunaminertamut ataatsimut qinnuteqartut piukkunnartut arlallit tiguneqarsimappata, nunaminertap inniminnerneqarnissaa pillugu kimut tunniunneqarnissaa makitsinikkut aalajangerneqassaaq. Makitsineq tamanut ammasumik ingerlanneqassaaq.
Qinnuteqartut paasissutissinneqassapput sumi qaqugulu makitsineq ingerlanneqassanersoq pillugu.
Paasissutissat sukumiinerusut Teknikkeqarfimmi, Nunaminertalerisuni pissarsiarineqarsinnaapput uunga: areal@avannaata.gl
