Aningaasaqarnermut ataatsimiititaliap suliap qanoq ingerlateqqinnissaa maanna oqaluusereersimalerpaa, aalajangerlugulu aningaasaqarnermut inuussutissarsiornermullu pisortatut atorfik inuttassarsiuunneqassasoq. Qinnuteqarnissamut 1. oktober killigitinneqarpoq, tamatumalu kingorna atorfinitsitsinissamut suliaq aallartinneqassalluni. Aningaasaqarnermut ataatsimiititaliaq atorfinitsitsinissamut ataatsimiititaliatut atuutissaaq.
Ingerlatsivimmi aqutsinerup patajaatsumik ingerlaannarnissaa qulakkeerniarlugu Karl Kristian Kristoffersen 21. juli aallarnerfigalugu aningaasaqarnermut inuussutissarsiornermullu pisortatut atuukkallartussatut ivertinneqassasoq aamma aalajangerneqarpoq.
Karl Kristian Kristoffersen siusinnerusukkut kommunimi aningaasaqarnermut suliassaqarfimmi sulereersimavoq, pisortallu aningaasaataannik aqutsinermut kommunillu aaqqissuussaanerannut ilisimasaqarluarluni. Tamanna piffissami aggersumi suliassamik isumaginninnissaanut pitsaasumik tunngavissiivoq.
Karl Kristian Kristoffersenimik suleqateqarnissarput qilanaaraarput, atorfimmilu atuukkallarnermini iluatsitsilluarnissaanik kissaallugu.