Tamanut ammasumik suliariumannittussarsiuussineq
Kuuffissuarnik taarsersuineq, immikkoortoq 2 – Elisabeth Thomsensvej
Avannaata Kommunia tamanut ammasumik suliariumannittussarsiuussivoq, Kuuffissuarnik
taarsersuineq, immikkoortoq 2 – Elisabeth Thomsensvej.
Suliassami ilaapput assaaneq, qaartiterineq, nunagissaaneq, nunap qaavanik qajannaallisaaneq,
kuuffissuarnik suliaqarneq, kuuffissuarnut pumpestationimik nutaamik sanaartorneq, betonilerineq
kiisalu innaallagisserineq.
Suliakkiissummi suliassat makku ilaapput:
Suliassat tamarmik pingaarnertut sanaartortitsinikkut (hovedentreprise)
suliariumannittussarsiuunneqarput, suliassallu immikkoortut makkuupput:
Assaaneq, qaartiterineq aamma nunagissaaneq.
Nunap qaavanik qajannaallisaaneq.
Kuuffissuarnik suliaqarneq, ilanngullugit kuuffissuup naqitsinikkut aqqutaa
(kloaktrykledning) aamma pumpestationimit nutaamit ulikkaartoornermi kuuffik
(overløbsledning).
Kuuffissuarmut pumpestationi nutaaq.
Betonilerineq.
Innaallagisserineq.
Suliap maajip aallartinnerani aallartinneqarnissaa 2027-imilu septemberip naanerani
naammassineqarnissaa naatsorsuutigineqarpoq.
Tunniussinissamut tunngavissaq tassaavoq aki appasinnerpaaq.
Tunniussinissamut tunngavissap piumasaqaatigaa neqeroorummut uppernarsaalluni nalunaarut
(Tro- og loveerklæring) ilanngunneqassasoq, tassanilu ersissalluni neqerooruteqartup pisortanut
akiligassanngorsimasunik 100.000 kr.-it sinnerlugit akiitsoqanngitsoq.
Suliariumannittussarsiuussinermi atortussat digitaliusut Rambøll Grønlandimut e-mailimik uunga
nassiussinikkut piniarneqassapput: krhe@ramboll.gl
Tamatuma kingorna neqerooruteqartup suliariumannittussarsiuussinermi atortussat tigussavai,
imaluunniit naqiterinermut nassiussinermullu akiliuteqarluni atortussat pappiaqqamiittut
tiguneranni akilerlugit tigusinnaavai.
Suliariumannittussarsiuussinermi atortussat 24. augusti 2026 aallarnerfigalugu nassiunneqarnissaat
naatsorsuutigineqarpoq.
Suliariumannittussarsiuussinerup qaqugu sumilu ingerlanneqarnissaa
suliariumannittussarsiuussinermut allakkami (Udbudsbrev) takuneqarsinnaassaaq.
