Sanaartorfissaq 3-mi quleriilinnik inissialiortoqarsinnaavoq aammalu hoteliliortoqarsinnaalluni.
Sanaartorfissaq 3-imut nunaminertamik atugassinneqarnissamik imaluunniit nunaminertamik inniminniinissamik 13. oktober 2026 tikillugu qinnuteqartoqarsinnaavoq.
Qinnuteqaatit tamarmik 13. oktober 2026 nal. 23.59 sioqqullugu imaluunniit kingusinnerpaamik piffissami tassani tiguneqartut ataatsikkut tiguneqartutut isigineqassapput.
Qinnuteqaatit 13. oktober 2026 nal. 23.59 kingorna tiguneqartut isiginiarneqassanngillat.
Hafnarfjordur-ip Aqqutaani qitiusoqarfik C28 pillugu kommunimut pilersaarut
Kommunimut pilersaarummut tapiliussaq uani atuarneqarsinnaavoq: https://avannaata.cowiplan.dk/media/4594/kommuneplantillaeg-1200-c28-nr-31_ob.pdf imaluunniit Nunaminertanik Aqutsivik, Sanaartornermut Avatangiisinullu Ingerlatsivik (Teknikkeqarfik) saaffigalugu pissarsiarineqarsinnaavoq.
Qinnuteqartup kommunimut pilersaarummut tapiliussaq nr. 31 ILU1200-C28 “Hafnarfjordur-ip Aqqutaani qitiusoqarfik”, 30.04.2025-meersoq, atuarneratigut immikkoortortami aalajangersakkat suut atuunnersut sukumiisumik paasisimassallugit pingaaruteqarpoq.
Qinnuteqartut makku maluginiassavaat:
- Inuk ataasiinnaq, suliffeqarfik, ingerlatsivik imaluunniit peqatigiiffik, inatsisitigut pisinnaatitaasoq pisussaaffeqartorlu, nunaminertamik qinnuteqarsinnaavoq.
- Inuk imaluunniit suliffeqarfik inatsisitigut ataasiusutut taamaallaat inissisimasoq sanaartorfissamut aamma/imaluunniit sanaartorfigineqartussamut ataatsimut qinnuteqaammik ataasiinnarmik nassiussisinnaavoq.
- Qinnuteqartoq piukkunnaatilittut isigineqassappat, minnerpaamik taarsigassarsisitsisumit nalunaarummik peqartoqassaaq.
Sanaartorfissat atorneqarsinnaasut tamanut nalunaarutigineqartarnerat pillugu aalajangersakkat Avannaata Kommuniata kommunimut pilersaarutaani takuneqarsinnaapput: https://kommuneplania.avannaata.gl/dk/arealbestemmelser/om-arealtildelinger/ansoegning-om-arealtildeling/#B
Qinnuteqaammut ilanngunneqassapput:
- Sanaartornissamut piffissaliussanut pilersaarut piviusorsiortoq, nunaminertamik inniminniinermut nunaminertamillu atugassinneqarnermut piffissaliussat atuuttut malillugit.
- Pilersaarutip nassuiaataa, suup sananeqarnissaa kissaatigineqarnersoq kiisalu siunertaa, allakkatigut aamma/imaluunniit titartakkatigut.
- Aningaasaqarnikkut uppernarsaatit. Qinnuteqartup qinnuteqaatigineqartup sanaartorneq piviusunngortissinnaanissaanut aningaasatigut periarfissaqarnini uppernarsassavaa.
Qinnuteqaatit paasissutissanik uppernarsaatinillu taakkuninnga imallit kisimik isiginiarneqassapput.
Qinnuteqaatip naammattumik eqqortumillu paasissutissartalerneqarnissaa qinnuteqartup akisussaaffigaa. Kommunip qinnuteqaatit aatsaat qinnuteqarfissap naareernerata kingorna misissussavai.
Qinnuteqaatit tamarmik 13. oktober 2026 nal. 23.59 sioqqullugu imaluunniit kingusinnerpaamik piffissami tassani tiguneqartut ataatsikkut tiguneqartutut isigineqassapput. Qinnuteqaatit 13. oktober 2026 nal. 23.59 kingorna tiguneqartut isiginiarneqassanngillat.
Atugassiinerup ingerlanera:
Nalunaarutigineqartumi qinnuteqarnissamut killigititaq nallertinnagu nunaminertamut ataatsimut qinnuteqartunik piumasaqaatinik naammassinnittunik arlalinnik takkuttoqarpat, kina nunaminertamik inniminniiffigineqassanersoq makitsinikkut aalajangerneqassaaq. Makitsineq tamanut ammasumik ingerlanneqassaaq.
Qinnuteqartut makitsineq sumi qaqugulu ingerlanneqassanersoq ilisimatinneqarumaarput.
Paasissutissat annertunerusut pissarsiarineqarsinnaapput Sanaartornermut Avatangiisinullu Ingerlatsivik (Teknikkeqarfik), Nunaminertanik Aqutsivik, uunga saaffigalugu: areal@avannaata.gl
Nunaminertamik inniminniinissamik qinnuteqaat uunga nassiunneqassaaq: Nunaminertanik Aqutsivik, Teknikkeqarfik, Noah Mølgårdip Aqq. 9, Postboks 1023, 3952 Ilulissat, imaluunniit elektroniskimik uunga: areal@avannaata.gl
