Ilulissani qitiusoqarfik nutaaq siunissami inissialiorfissaq, ”Illumiut Qaqqaat – Mathias Storchip Aqqutaa”, akuerineqarpoq
Illumiut Qaqqaanni – Mathias Storchip Aqqutaani immikkoortut nutaat pingasut sanaartorfigineqarsinnaanissaat akuerineqarpoq. Taamaattumik kommunip Kommunimut pilersaarummut tapiliussaq nr. 68 ILU 1200-C34 ”Illumiut Qaqqaat – Mathias Storchip Aqqutaa” suliarisimavaa, taannalu matumuuna tamanut nalunaarutigineqarpoq.
Kommunimi inissianik amigaateqarneq tunngavigalugu kommunimut pilersaarummut tapiliussaq manna aqqutigalugu immikkoortut nutaat pingasut pilersinneqarsinnaalissapput. Immikkoortut atuuffinnut assigiinngitsunut atugassanngortinneqassapput, tassunga ilanngullugit inissiat, kulturikkut siunertat, uninngaartarfiit, sullissiviit kiisalu tamanut iluaqutaasumik siunertat.
Inissialiornissaq inuusuttunut sammitinneqassaaq. Siunissami sanaartornissamut aamma inissaq sinneruttoq aalajangersarneqarpoq, kommunimulli pilersaarummut tapiliussami matumani sanaartorfissat sumi inissinneqarnissaat aalajangersarneqanngilaq.
Kommunimut pilersaarummut tapiliussaq tamakkerlugu uani atuarneqarsinnaavoq:
Kommunimut pilersaarummut tapiliussaq nr. 68 pillugu siunnersuut
Apeqqutissaqaraanni Pilersaarusiornermut Immikkoortortaqarfik saaffigineqarsinnaavoq. Pilersaarusiornermut Immikkoortortaqarfik uunga attaveqarfigineqarsinnaavoq: Plan@avannaata.gl Tusarniaaneq 22.04.2026-miit 17.06.2026 ilanngullugu ingerlanneqarpoq, piffissamilu tassani kikkut tamarmik – innuttaasut, suliffeqarfiit, peqatigiiffiit, sullissiviit il.il. – akerliliissutinik, oqaaseqaatinik allannguutissatullu siunnersuutinik saqqummiussisinnaatitaasimallutik.