Tikeraarneq Avannaata Kommuniani pissutsit maanna immikkut sammineqartut ilaat pillugit pitsaasumik oqaloqatigiinnissamut periarfissiivoq. Ilaatigut nunaqarfinni inuuneq, umiarsualivinni atugassarititaasut, takornariaqarneq aammalu innuttaasut inuussutissarsiortullu pitsaanerusunik atugassaqartinneqarnissaannut periarfissat eqqartorneqarput.
Borgmesterip aamma kommunip ineriartornera aammalu kommuniunermut annertuumut nunaqarfippassualimmut atatillugu ajornartorsiutit ilaat oqaluttuarai. Tassani ilaatigut ikuallaaviit attaveqaasersuutillu eqqartorneqarput.
Oqaloqatigiinnermi aamma Kalaallit Nunaannik politikkikkut soqutiginninnerup annertusiartornera eqqartorneqarpoq.
Donald Trumpip Kalaallit Nunaannik immikkut sammisaqarnera ilaatigut pissutigalugu politikerit amerlanerusut Kalaallit Nunaannut ukkatarinnilersimapput. Kommunip Trumpip oqaaseqaataasa toqqaannartumik sunniutaat malugisimanngikkaluarlugit, Kalaallit Nunaata annertunerusumik eqqumaffigineqarnera politikkikkut oqaluuserisassani Kalaallit Nunaannik pingaarnerulersitsisimavoq.
Ataatsimiinnermi Folketingimi partiinit arlalinnit sinniisut peqataapput:
Socialdemokratiet: Sophie Hæstorp Andersen aamma Jesper Petersen
Socialistisk Folkeparti: Carl Valentin
Venstre: Marie Bjerre
Dansk Folkeparti: Michael Nedersøe
Liberal Alliance: Katrine Daugaard
Det Konservative Folkeparti: Lise Bertelsen
Enhedslisten: Trine Pertou Mach
Tikeraarneq taamaalilluni misilittakkanik avitseqatigiinnissamut aammalu najukkami pissutsit Kalaallit Nunaannilu ineriartorneq pillugu oqaloqatigiinnissamut periarfissiivoq.
